اسلام آباد۔11ستمبر (اے پی پی) وزیر مملکت قانون و انصاف بیرسٹر عقیل ملک یوگنڈا دے دارالحکومت کمپالا اچ پاکستانی ہائی کمشنر ولوں ݙتے ڳئے عشائیہ اچ پاکستانی کمیونٹی نال ملاقات کیتی۔ وزارت قانون و انصاف دے ترجمان موجب پاکستانی کمیونٹی دے لوک جیڑھے جو ٻہوں کاراں دی امپورٹ، سیلز اتے فارماسیوٹیکل بزنس نال وابستہ ہن، انہاں وزیر مملکت کوں یوگنڈا اچ موجود کاروباری موقعیں دا ݙسایا، ایں دے نال نال …
وزیر مملکت قانون و انصاف بیرسٹر عقیل ملک دی یوگنڈا اچ پاکستانی کمیونٹی نال ملاقات
اسلام آباد۔11ستمبر (اے پی پی) وزیر مملکت قانون و انصاف بیرسٹر عقیل ملک یوگنڈا دے دارالحکومت کمپالا اچ پاکستانی ہائی کمشنر ولوں ݙتے ڳئے عشائیہ اچ پاکستانی کمیونٹی نال ملاقات کیتی۔ وزارت قانون و انصاف دے ترجمان موجب پاکستانی کمیونٹی دے لوک جیڑھے جو ٻہوں کاراں دی امپورٹ، سیلز اتے فارماسیوٹیکل بزنس نال وابستہ ہن، انہاں وزیر مملکت کوں یوگنڈا اچ موجود کاروباری موقعیں دا ݙسایا، ایں دے نال نال انہاں پاکستان دے نکے ایئرپورٹس توں یوگنڈا سفر دے دوران پیش آوݨ آلے مسئلیں دی وی نشاندہی کیتی۔ بیرسٹر عقیل ملک کمیونٹی کوں یقین ݙیوایا جو انہاں دے مسئلیں کوں نوٹ کر ڳھدا ڳئے اتے حکومت پاکستان قوانین موجب ضروری اقدامات کریسی۔ انہاں ٻاہرلے ملک پاکستانیاں دے کردار دی تعریف کریندے آکھیا جو او نہ صرف پاکستانی معیشت بلکہ ݙو پاسے تعلقات کوں وی تکڑا بݨاوݨ اچ اہم کردار ادا کریندے پئن۔
