اسلام آباد۔11ستمبر (اے پی پی) صدر مملکت آصف علی زرداری چینی حکومت دی دعوت اُتے 12 توں 21 ستمبر 2025 تئیں چین دا دورہ کریسن۔ ترجمان دفتر خارجہ توں جاری بیان موجب صدر مملکت آپݨے دورہ چین دے دوران چینگڈو، شنگھائی، سنکیانگ اتے ایغور سودھےمختلف علاقیں دا دورہ کریسن اتے اتھاں چین دی صوبائی قیادت نال ملاقاتاں کریسن۔ ایں ملاقاتاں اچ پاکستان اتے چین دے ݙو پاسے تعلقات اُتے ڳالھ …
صدر مملکت آصف علی زرداری 12 توں 21 ستمبر تئیں چین دا دورہ کریسن، دفتر خارجہ
اسلام آباد۔11ستمبر (اے پی پی) صدر مملکت آصف علی زرداری چینی حکومت دی دعوت اُتے 12 توں 21 ستمبر 2025 تئیں چین دا دورہ کریسن۔ ترجمان دفتر خارجہ توں جاری بیان موجب صدر مملکت آپݨے دورہ چین دے دوران چینگڈو، شنگھائی، سنکیانگ اتے ایغور سودھےمختلف علاقیں دا دورہ کریسن اتے اتھاں چین دی صوبائی قیادت نال ملاقاتاں کریسن۔ ایں ملاقاتاں اچ پاکستان اتے چین دے ݙو پاسے تعلقات اُتے ڳالھ مہاڑ کیتی ویسی جیں اچ خاص طور اُتے اقتصادی و تجارتی تعاون، پاک چین اقتصادی راہداری (سی پیک) اتے مستقبل دے رابطہ کاری دے منصوبے شامل ہوسن۔ ݙوہیں ملک ٻہوں سارے فورمز اُتے ݙو پاسے تعاون بارے وی ڳالھ مہاڑ کریسن۔ صدر مملکت دا دورہ ݙوہیں ملکاں وچال اعلیٰ سطحی رابطیں دا تسلسل اے جیڑھا ہر طرح دے حالات اچ تزویراتی تعاون اُتے مبنی شراکت داری کوں تکڑا بݨاوݨ کیتے ݙوہیں پاسوں دی خواہش اتے عزم کوں ݙیکھیندے پئن۔ اے دورہ سی پیک سودھے اقتصادی و تجارتی تعاون کوں اڳوں ودھاوݨ اتے علاقائی امن، ترقی اتے استحکام کیتے سانجھے عزم کوں اجاگر کرݨ کیتے آپت دے تعاون دا اعادہ کریندے۔
