دوحہ ۔11ستمبر (اے پی پی) وزیراعظم محمد شہباز شریف قطر دا ہک ݙینھ دا دورہ کرتے واپس وطن روانہ تھی ڳئن۔ وزیراعظم دفتر دے میڈیا ونگ توں جاری بیان موجب وزیراعظم دوحہ اچ امیر قطر شیخ تمیم بن حمد الثانی نال ملاقات کیتی۔ ملاقات اچ وزیراعظم دوحہ اُتے بلا جواز اسرائیلی جارحیت اتے بین الاقوامی قوانین دے صریح منافی حملے دے تناظر اچ امیر قطر اتے قطر دے عوام نال …
وزیراعظم محمد شہباز شریف قطر دا ہک ݙینھ دا دورہ کرتے واپس وطن روانہ
دوحہ ۔11ستمبر (اے پی پی) وزیراعظم محمد شہباز شریف قطر دا ہک ݙینھ دا دورہ کرتے واپس وطن روانہ تھی ڳئن۔ وزیراعظم دفتر دے میڈیا ونگ توں جاری بیان موجب وزیراعظم دوحہ اچ امیر قطر شیخ تمیم بن حمد الثانی نال ملاقات کیتی۔ ملاقات اچ وزیراعظم دوحہ اُتے بلا جواز اسرائیلی جارحیت اتے بین الاقوامی قوانین دے صریح منافی حملے دے تناظر اچ امیر قطر اتے قطر دے عوام نال یکجہتی دا اظہار کیتا۔ وزیر اعظم قطر اتے پاکستان وچال پراݨے تاریخی بھرپی آلے تعلقات دا ذکر کیتا جیڑھے سانجھے مذہب اتے اقدار اُتے مبنی ہن۔ وزیراعظم آکھیا جو پاکستان قطر دا ہمیشہ ہر اوکھے ویلھے ساتھ ݙتا اتے ݙیندا رہسی۔ ملاقات اچ اسرائیل دے خطے دے مختلف ملکاں اُتے بلا جواز حملے اتے مسلسل جارحیت دے نال نال خطے اچ امن قائم کرݨ کیتے مشاورت کیتی ڳئی۔ ملاقات اچ نائب وزیراعظم / وزیر خارجہ محمد اسحاق ڈار، وزیر دفاع خواجہ محمد آصف، وزیر اطلاعات و نشریات عطاء اللہ تارڑ اتے معاون خصوصی طارق فاطمی وی موجود ہن۔
