نائب وزیراعظم محمد اسحاق ڈار نال مصر دے وزیرخارجہ بدر عبد العطی دی ٹیلیفون تے ڳالھ، دوحہ تے اسرائیلی حملے دی مذمت

اسلام آباد (اے پی پی)نائب وزیراعظم تے وزیر خارجہ سینیٹر محمد اسحاق ڈار نال مصر دے وزیر خارجہ ڈاکٹر بدر عبد العطی ٹیلیفون تے ڳالھ کیتی تے دوحہ تے بلااشتعال اسرائیلی حملے دی مذمت کیتی۔ ترجمان دفتر خارجہ دے بیان موجب، ݙوہیں رہنماواں قطر دے دارالحکومت دوحہ تے بلااشتعال تے غیر قانونی اسرائیلی حملے دی شدید مذمت کیتی۔ انہاں 14 ستمبر کوں دوحہ اچ تھیوݨ آلے او آئی سی وزرائے خارجہ کونسل دے اجلاس دے طریقہ کار تے تفصیلات تے وی ڳالھ مہاڑ کیتی۔