اسلام آباد۔17ستمبر (اے پی پی) وفاقی وزیر داخلہ محسن نقوی تربت اچ فرنٹیئر کور سائوتھ دے ہیڈ کوارٹر اچ آئی جی ایف سی سائوتھ میجر جنرل بلال سرفراز خان دے نال شہید کیپٹن وقار احمد اتے 4 جواناں دی نماز جنازہ اچ شرکت کیتی۔ ترجمان وزارت داخلہ دے مطابق وفاقی وزیر داخلہ محسن نقوی شہید تھیوݨ آلے کیپٹن وقار، نائیک عصمت اللہ، لانس نائیک جنید احمد و خان محمد اتے …
وزیر داخلہ محسن نقوی دی تربت اچ فرنٹیئر کور سائوتھ دے ہیڈ کوارٹر اچ شہید کیپٹن وقار احمد اتے 4 جواناں دی نماز جنازہ اچ شرکت
اسلام آباد۔17ستمبر (اے پی پی) وفاقی وزیر داخلہ محسن نقوی تربت اچ فرنٹیئر کور سائوتھ دے ہیڈ کوارٹر اچ آئی جی ایف سی سائوتھ میجر جنرل بلال سرفراز خان دے نال شہید کیپٹن وقار احمد اتے 4 جواناں دی نماز جنازہ اچ شرکت کیتی۔ ترجمان وزارت داخلہ دے مطابق وفاقی وزیر داخلہ محسن نقوی شہید تھیوݨ آلے کیپٹن وقار، نائیک عصمت اللہ، لانس نائیک جنید احمد و خان محمد اتے سپاہی محمد ظہور کوں خراج عقیدت پیش کیتا۔ وزیر داخلہ محسن نقوی اتے آئی جی ایف سی سائوتھ میجر جنرل بلال سرفراز شہداء دے درجات دی بلندی کیتے دعا کیتی۔ وزیر داخلہ محسن نقوی اتے آئی جی ایف سی میجر جنرل بلال سرفراز شہداء دے جنازے کوں کندھا وی ݙتا۔ وزیر داخلہ محسن نقوی آکھیا جو کیپٹن وقار احمد اتے جواناں فرض دی راہ اچ قیمتی جاناں ݙے تے وݙی مثال ٻݨائی، قوم شہداء دی نہ مکݨ آلیاں قربانیاں دا قرض نی لہا سڳدی، شہداء دی وݙی قربانیاں ضائع نہ تھیسن۔ محسن نقوی آکھیا جو شہداء اتے انہاں دے خانداناں کوں سلام پیش کریندوں، شہداء دے ٹٻر اساݙے آپݨے ٹٻر ہن، قوم ہمیشہ انہاں دی مقروض راہسی۔ میجر جنرل بلال سرفراز آکھیا جو سیکورٹی فورسز دی قربانیاں دہشت گردی دے خلاف اساݙے پکے عزم دا ثبوت ہن۔ نماز جنازہ اچ اعلیٰ عسکری تے سول حکام شرکت کیتی۔
