اسلام آباد۔ 18 ستمبر (اے پی پی) وزیراعظم محمد شہباز شریف سعودی عرب اچ بے مثال استقبال تے سعودی ولی عہد تے وزیراعظم محمد بن سلمان دا شکریہ ادا کیتے۔ انہاں آکھیا جو اے پاکستان تے سعودی عرب وچال محبت تے آپسی احترام دی علامت اے۔ سعودی ولی عہد نال ڳالھ مُہاڑ دے دوران علاقائی چیلنجز تے ڈو پاسہ تعاون کوں ودھاوݨ دا جائزا گھدا ڳیا تے کئی معاملات تے …
وزیراعظم شہباز شریف دا بے مثال استقبال تے سعودی ولی عہد تے وزیراعظم محمد بن سلمان دا شکریہ، دوستی دے فروغ تے عظمت دی نویں بلندیاں تئیں پُڄݨ دی دُعا
اسلام آباد۔ 18 ستمبر (اے پی پی) وزیراعظم محمد شہباز شریف سعودی عرب اچ بے مثال استقبال تے سعودی ولی عہد تے وزیراعظم محمد بن سلمان دا شکریہ ادا کیتے۔ انہاں آکھیا جو اے پاکستان تے سعودی عرب وچال محبت تے آپسی احترام دی علامت اے۔ سعودی ولی عہد نال ڳالھ مُہاڑ دے دوران علاقائی چیلنجز تے ڈو پاسہ تعاون کوں ودھاوݨ دا جائزا گھدا ڳیا تے کئی معاملات تے خیالات دا تبادلہ تھیا۔ خمیس کوں ایکس تے اپݨی پوسٹ اچ وزیراعظم محمد شہباز شریف سعودی ولی عہد تے وزیراعظم محمد بن سلمان دا ریاض دے سرکاری دورے دے دوران شاندار استقبال تے شکریہ ادا کیتا۔ وزیراعظم آکھا جو رائل سعودی ایئرفورس دے جیٹ طیاریاں دی ہوائی نمائش، سعودی مسلح افواج دے چاق و چوبند دستے دی گارڈ آف آنر، اے بے مثال استقبال پاکستان تے سعودی عرب وچال موجود محبت تے آپسی احترام دی نشانی ے۔ انہاں آکھیا جو سعودی ولی عہد نال علاقائی چیلنجز تے ڈو پاسہ تعاون دا جائزا گھدے ڳئے تے کئی معاملات تے خیالات دا تبادلہ تھیا۔ وزیراعظم مسلم دنیا کیتے سعودی ولی عہد دے وژن تے قیادت دی تعریف کیتی۔ انہاں آکھیا جو او سعودی ولی عہد دی مسلسل حمایت تے ڈوہیں ملکاں وچال سعودی سرمایہ کاری، تجارت تے کاروباری تعلقات کوں فروغ ݙیوݨ کیتے انہاں دی دلچسپی کوں قدر دی نظر نال ݙیکھدن۔ وزیراعظم پاکستان تے سعودی عرب دی دوستی دے فروغ تے عظمت دی نویں بلندیاں تئیں پُڄݨ دی دُعا کیتی۔
