اسلام آباد۔19ستمبر (اے پی پی) وفاقی وزیر خزانہ و محصولات سینیٹر محمد اورنگزیب آکھیے جو گلگت بلتستان بے انت قدرتی خوبصورتی دا حامل خطہ اے اتے سیاحت تے مبنی ترقی دی بے حد صلاحیت رکھیندے ۔ انہاں اے ڳالھ اتھاں وزیراعلیٰ گلگت بلتستان حاجی گلبر خان نال ملاقات اچ آکھی۔ ملاقات اچ وزیر خزانہ آپݨے اڄوکے دورہ گلگت بلتستان دا حوالہ ݙیندے خطے اچ چھل دی صورتحال اتے ایں توں …
وفاقی وزیر خزانہ محمد اورنگزیب نال وزیراعلیٰ گلگت بلتستان نال دی ملاقات
اسلام آباد۔19ستمبر (اے پی پی) وفاقی وزیر خزانہ و محصولات سینیٹر محمد اورنگزیب آکھیے جو گلگت بلتستان بے انت قدرتی خوبصورتی دا حامل خطہ اے اتے سیاحت تے مبنی ترقی دی بے حد صلاحیت رکھیندے ۔ انہاں اے ڳالھ اتھاں وزیراعلیٰ گلگت بلتستان حاجی گلبر خان نال ملاقات اچ آکھی۔ ملاقات اچ وزیر خزانہ آپݨے اڄوکے دورہ گلگت بلتستان دا حوالہ ݙیندے خطے اچ چھل دی صورتحال اتے ایں توں متعلق امدادی سرگرمیاں، خاص طور تے وفاقی فنڈز دے جاری کرݨ تے ڳالھ مہاڑ کیتی۔ انہاں سڑکاں دے بنیادی ڈھانچے اچ تھیوݨ آلی ترقی اتے سیاحت دے شعبے اچ سرمایہ کاری دی تعریف کیتی اتے آکھیا جو گلگت بلتستان بے انت قدرتی خوبصورتی دا حامل خطہ اے جیڑھا سیاحت تے مبنی ترقی دی بے حد صلاحیت رکھیندے ۔ وزیر خزانہ زور ݙتا جو سرمایہ کاری ہمیشہ ذمے واری نال تھیوݨی چاہیدی اے، تعمیراتی قواعد و ضوابط دے نال نال ماحولیاتی قاعدے خاص طور تے کچرے اتے پاݨی دے انتظامات دے حوالے نال قواعد و ضوابط دی سختی نال پابندی کیتی ونڄے تاں جو مقامی ماحولیاتی نظام محفوظ رہے۔ انہاں گلگت بلتستان حکومت کوں نویں محصولات دے ذریعے لبھݨ دی ترغیب ݙتی اتے خاص طور تے خلیجی ملکاں توں آوݨ آلے سیاحواں کیتے پیکیج ٹورازم دے ودھارے کیتے ہوائی اݙیں، سڑکاں اتے سیاحتی جہیں دی ترقی تے زور ݙتا۔ وزیراعلیٰ گلبر خان وزیر خزانہ کوں خطے اچ جاری ترقیاتی منصوبیں تے بریفنگ ݙیندے ݙسایا جو سکردو انٹرنیشنل ایئرپورٹ تے مسافراں دی وݙی تعداد اچ آونڄ جاری اے جݙاں جو گلگت ایئرپورٹ کوں بین الاقوامی معیار موجب اپ گریڈ کرݨ دی منصوبہ بندی وی کیتی ویندی پئی اے تاں جو سیاحت کوں مزید ودھارا ملے. انہاں گلگت بلتستان تے مسلسل توجہ ݙیوݨ تے وزیراعظم شہباز شریف اتے وفاقی حکومت دا شکریہ ادا کیتا۔ وزیراعلیٰ وزیر خزانہ کوں ݙسایا جو گلگت بلتستان حکومت خطے دے 10 ضلعیں اچ عوامی خدمتاں کوں بہتر بݨاوݨ کیتے عملے اچ ودھارا کریندی پئی اے اتے جی بی سیکریٹریٹ اچ سینئر افسراں کیتے کیریئر اچ ترقی دے بہتر موقع ݙیوݨ تے وی کم جاری اے
