نیو یارک۔ 23 ستمبر (اے پی پی) وزیراعظم محمد شہباز شریف سعودی عرب دے مفتی اعظم شیخ عبدالعزیز بن عبداللہ آل شیخ دی وفات تے ݙکھ تے افسوس کریندیں ہوئے آکھیا جو شیخ عبدالعزیز بن عبداللہ آل شیخ دی وفات نہ صرف سعودی عرب بلکہ ساری امت مسلمہ کیتے ݙکھ دا ویلھا اے۔ منگل کوں وزیراعظم آفس دے میڈیا ونگ دے جاری بیان دے مطابق وزیراعظم شیخ عبدالعزیز بن عبداللہ …
وزیراعظم شہباز شریف دی سعودی عرب دے مفتی اعظم شیخ عبدالعزیز بن عبداللہ آل شیخ دی وفات تے تعزیت
نیو یارک۔ 23 ستمبر (اے پی پی) وزیراعظم محمد شہباز شریف سعودی عرب دے مفتی اعظم شیخ عبدالعزیز بن عبداللہ آل شیخ دی وفات تے ݙکھ تے افسوس کریندیں ہوئے آکھیا جو شیخ عبدالعزیز بن عبداللہ آل شیخ دی وفات نہ صرف سعودی عرب بلکہ ساری امت مسلمہ کیتے ݙکھ دا ویلھا اے۔ منگل کوں وزیراعظم آفس دے میڈیا ونگ دے جاری بیان دے مطابق وزیراعظم شیخ عبدالعزیز بن عبداللہ آل شیخ کوں خراج عقیدت پیش کریندیں ہوئے آکھیا جو او ہک جلیل القدر عالم دین ہن جنہاں آپݨی ساری زندگی قرآن تے سنت دی ترویج، شریعت مطہرہ دی تشریح تے امت دی رہنمائی اچ صرف کیتی، مسلم امہ دے اتحاد کیتے انہاں دی کاوشاں تے علمی بصیرت کوں ہمیشہ یاد رکھیا ویسی۔ انہاں آکھیا جو دینی تے علمی روایت اچ مرحوم دی خدمات ہک روشن باب دی حیثیت رکھیندن اتے انہاں دے چھوڑے ہوئے علمی ورثے توں آوݨ آلی نسلاں رہنمائی حاصل کریندی رہسن۔ وزیراعظم آکھیا جو پاکستانی عوام تے حکومت برادر ملک سعودی عرب دی عوام تے سعودی قیادت دے ݙکھ اچ برابر دی شریک اے۔ میں مرحوم دے اہل خانہ، خادم الحرمین الشریفین شاہ سلمان بن عبدالعزیز، ولی عہد شہزادہ محمد بن سلمان تے ساری سعودی قیادت تے عوام نال دلی تعزیت دا اظہار کرینداں۔ انہاں دعا کیتی جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے اتے انہاں دی دینی خدمات کوں شرف قبولیت بخشے۔
