اسلام آباد۔25 ستمبر(اے پی پی)وفاقی وزیر منصوبہ بندی و ترقی پروفیسر احسن اقبال آکھیے جو پاکستان اتے چین آپݨی تاریخی سانجھ داری دے اڳلے مرحلے اچ ویندے پئن جیڑھی خطے اچ امید اتے خوشحالی دی ضمانت اے، سی پیک دی 14 ویں جے سی سی (مشترکہ تعاون کمیٹی) ہک تاریخی موڑ اے جیںدے نال فیز ٹو دی شروعات کیتے پلیٹ فارم ملسی۔ ہک بیان اچ انہاں آکھیا جو جے سی …
پاکستان اتے چین دی تاریخی ساڄھے داری خطے اچ امید اتے خوشحالی دی ضمانت اے، وفاقی وزیر منصوبہ بندی و ترقی پروفیسر احسن اقبال
اسلام آباد۔25 ستمبر(اے پی پی)وفاقی وزیر منصوبہ بندی و ترقی پروفیسر احسن اقبال آکھیے جو پاکستان اتے چین آپݨی تاریخی سانجھ داری دے اڳلے مرحلے اچ ویندے پئن جیڑھی خطے اچ امید اتے خوشحالی دی ضمانت اے، سی پیک دی 14 ویں جے سی سی (مشترکہ تعاون کمیٹی) ہک تاریخی موڑ اے جیںدے نال فیز ٹو دی شروعات کیتے پلیٹ فارم ملسی۔ ہک بیان اچ انہاں آکھیا جو جے سی سی اجلاس اچ سی پیک دے اڳلے مرحلے دا باضابطہ آغاز کیتا ویسی جیکوں حقیقی معنے اچ عوامی خوشحالی دی راہداری اچ وٹایا ویندا پئے۔ کل بیجنگ اچ تھیوݨ آلے پاک چین مشترکہ تعاون کمیٹی (جے سی سی) دے 14 ویں اجلاس اچ پاکستان دی نمائندگی کریساں۔ وزیر منصوبہ بندی آکھیا جو جے سی سی سی پیک دا ساریاں توں اعلیٰ فیصلہ ساز فورم اے، جتھاں جاری منصوبیاں دا جائزہ ڳھنݨ دے نال نال آندے مرحلے کیتے نویں شعبے اتے منصوبے شامل کیتے ویسن۔ ایں اجلاس اچ سی پیک دے اڳلے مرحلے دا باضابطہ آغاز کیتا ویسی جیکوں حقیقی معنیاں اچ عوامی خوشحالی دی راہداری اچ تبدیل کیتا ویندا پئے۔ وفاقی وزیر آکھیا جو سی پیک فیز ٹو دا مقصد پاکستان دی ساریاں توں وݙی طاقت یعنی عوام کوں بااختیار بݨا تے معیشت دے “سافٹ ویئر” کوں مضبوط کرݨ اے۔ اے مرحلہ نینگراں دیاں صلاحیتاں، ہنر اتے جدت تے مبنی ہوسی جیندے اچ عوام رہنما کردار ادا کریسن جݙاں جو برآمدات معیشت دی محرک قوت ہوسن۔
