بیجنگ، 26 ستمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال آکھیا جو چائنہ پاکستان اکنامک کوریڈور (سی پیک) دے تحت جوائنٹ کوآپریشن کمیٹی (جے سی سی) دا اجلاس ݙوہیں ملکاں دے سانجھے وژن کوں نشابر کریندے۔ جمعے کوں بیجنگ اچ سی پیک دے تحت سانجھے تعاون کمیٹی دے اجلاس دے اختتامی سیشن نال خطاب کریندیں ہوئیں انہاں اجلاس دی میزبانی تے چینی حکام …
سی پیک دے تحت جے سی سی اجلاس ݙوہیں ملکاں دے سانجھے وژن کوں نشابر کریندے، احسن اقبال
بیجنگ، 26 ستمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال آکھیا جو چائنہ پاکستان اکنامک کوریڈور (سی پیک) دے تحت جوائنٹ کوآپریشن کمیٹی (جے سی سی) دا اجلاس ݙوہیں ملکاں دے سانجھے وژن کوں نشابر کریندے۔ جمعے کوں بیجنگ اچ سی پیک دے تحت سانجھے تعاون کمیٹی دے اجلاس دے اختتامی سیشن نال خطاب کریندیں ہوئیں انہاں اجلاس دی میزبانی تے چینی حکام دا شکریہ ادا کیتا تے آکھیا جو اجلاس اچ سی پیک دے تحت مختلف اقدامات دا جائزہ گھدا ڳیا۔ انہاں آکھیا جو جے سی سی اجلاس نہ صرف سی پیک دے تحت کامیابیاں تے جائزے بلکہ سی پیک دے مستقبل دے حوالے نال ݙوہیں ملکاں دے مشترکہ وژن دا عکاس اے۔ جے سی سی دے اجلاس اچ سی پیک دے اڳلے مرحلے اچ ݙوہیں ملکاں وچال شراکت داری تے ترقی کوں فروغ ݙیوݨ دے طریقیاں دا جائزہ گھدا ڳیا۔ احسن اقبال آکھیا جو ݙوہیں فریقین سی پیک کوں صنعتکاری دی راہداری اچ تبدیل کرݨ تے اتفاق کیتے۔
