وزیراعظم شہباز شریف دا پاکستان سٹاک ایکسچینج دے ہک لکھ سٹھ ہزار پوائنٹس پار کرݨ تے خوشی دا اظہار

واشنگٹن، 26 ستمبر (اے پی پی) وزیراعظم محمد شہباز شریف پاکستان سٹاک ایکسچینج دے ہک لاکھ سٹھ ہزار (160,000) پوائنٹس دی تاریخی سطح پار کرݨ تے خوشی دا اظہار کریندیں ہوئے آکھیا جو ملک معاشی استحکام دے بعد معاشی ترقی آلے پاسے ٹُر پئے۔ جمعے کوں وزیراعظم آفس دے میڈیا ونگ دے جاری بیان دے مطابق وزیراعظم آکھیا جو اللہ تعالیٰ دے فضل و کرم، کاروباری برادری تے حکومت دی انتھک محنت نال سٹاک ایکسچینج اچ ہر ݙینہہ بلندیاں دی ہک نویں تاریخ لکھی ویندی پئی اے۔ پاکستان سٹاک ایکسچینج دا ہک لاکھ سٹھ ہزار (160,000) پوائنٹس دی سطح پار کرݨ کاروباری برادری دا حکومتی پالیسیاں تے اعتماد دی نشانی اے۔ وزیراعظم آکھیا جو ملک معاشی استحکام دے بعد معاشی ترقی آلے پاسے ٹرپئے۔ انشاء اللہ ہݨ معاشی ترقی دا پندھ تیز نال جاری رہسی۔