اسلام آباد۔23اکتوبر(اے پی پی)چیئرمین سینیٹ سید یوسف رضا گیلانی اطالوی جمہوریہ دے چیمبر آف ڈپٹیز دے صدر لورینزو فونتانا نال سماجی رابطے دی ویب سائٹ زوم دے ذریعے ورچوئل ملاقات کیتی۔ ملاقات اچ پاکستان اتے اٹلی وچال ݙو پاسے تعلقات دے ودھارے، پارلیمانی تعاون دے ٻئے استحکام اتے ودھارے تے ڳالھ مہاڑ تھئی ۔ سینیٹ سیکرٹریٹ توں جاری بیان موجب چیئرمین سینیٹ پاکستان اتے اٹلی دے پراݨے ، خوشگوار اتے …
چیئرمین سینیٹ سید یوسف رضا گیلانی دی اٹلی دے چیمبر آف ڈپٹیز دے صدر نال ورچوئل ملاقات
مزید خبراں
اسلام آباد۔23اکتوبر(اے پی پی)چیئرمین سینیٹ سید یوسف رضا گیلانی اطالوی جمہوریہ دے چیمبر آف ڈپٹیز دے صدر لورینزو فونتانا نال سماجی رابطے دی ویب سائٹ زوم دے ذریعے ورچوئل ملاقات کیتی۔ ملاقات اچ پاکستان اتے اٹلی وچال ݙو پاسے تعلقات دے ودھارے، پارلیمانی تعاون دے ٻئے استحکام اتے ودھارے تے ڳالھ مہاڑ تھئی ۔ سینیٹ سیکرٹریٹ توں جاری بیان موجب چیئرمین سینیٹ پاکستان اتے اٹلی دے پراݨے ، خوشگوار اتے آپت دے احترام تے مبنی تعلقات دی تعریف کیتی ۔ انہاں آکھیا جو اٹلی یورپی یونین دے اندر پاکستان ہک اہم شراکت دار اے خصوصاً تجارت، تعلیم، ہجرت اتے ثقافتی تبادلیں دے شعبیں اچ تعاون کوں ٻئی وسعت ݙیوݨ دی لوڑھ اے۔ چیئرمین سینیٹ آپݨے سابقہ دورہ اٹلی دا ذکر کریندے ہوئیں پوپ لیو XIV دی تقریب اچ شرکت کوں پاکستان کیتے اعزاز اتے بین المذاہب ہم آہنگی و عالمی مکالمے دے ودھارے دی علامت قرار ݙتا۔ چیئرمین سینیٹ لورینزو فونتانا کوں آوݨ آلے سینیٹ آف پاکستان دی میزبانی اچ منعقد تھیوݨ آلی انٹر پارلیمنٹری سپیکرز کانفرنس (آئی ایس سی) اچ شرکت دی دعوت ݙتی جئیں کوں اطالوی صدر چیمبر آف ڈپٹیز خوش دلی نال قبول کیتا۔ انہاں پاکستان دا دورہ کرݨ اتے کانفرنس اچ شرکت دے عزم دا اظہار کریندے آکھیا جو او ایں موقع کوں ݙوہیں پارلیماناں وچال رابطے کوں ٻیا تکڑا بݨاوݨ کیتے استعمال کریسن۔ لورینزو فونتانا عالمی سطح تے پاکستان دے تعمیری کردار دی تعریف کیتی اتے اٹلی اچ رہݨ آلی پاکستانی کمیونٹی دے مثبت کردار کوں ݙوہیں ملکاں وچال ہک تکڑا پل قرار ݙتا۔ ݙوہیں رہنماواں پارلیمانی سطح تے رابطے دے تسلسل، پارلیمانی وفد دے تبادلے اتے ماحولیاتی استحکام، تجارت اتے ثقافتی سفارتکاری جیھے شعبیں اچ تعاون ودھاوݨ تے اتفاق کیتا۔ چیئرمین سینیٹ اٹلی دے نال تعلقات کوں ٻیا ودھاوݨ دا عزم کیتا اتے اطالوی پارلیمنٹ دی طرفوں جمہوری اقدار اتے عوامی رابطے ودھاوݨ اچ تعاون تے شکریہ ادا کیتا۔
