کوئی رکنِ کے پی اسمبلی کہیں کو قتل کرݙیوے تاں کیا پولیس اینکوں گرفتار کرݨ سانڳے سپیکر دی اجازت دا انتظار کریسی، محسن نقوی

اسلام آباد۔26ستمبر (اے پی پی) وزیر داخلہ محسن نقوی آکھیے ہݨ خیبر پختونخوا اچ جے کہیں رکنِ اسمبلی (ایم پی اے)تے کہیں مجرمانہ فعل دا الزام وی ہووے تاں پولیس سانڳے گرفتاری توں پہلے سپیکر دی اجازت گھنݨ لازمی اے۔  ایکس تے آپݨی پوسٹ اچ وفاقی وزیر داخلہ سوال چاتا جو ایندے بعد کیتا تھیسی، جے کوئی رکنِ اسمبلی کہیں کوں قتل کرݙیوے تاں کیا پولیس اینکوں گرفتار کرݨ سانڳے پہلے سپیکر دی اجازت دا انتظار کریسی۔ محسن نقوی آکھیے ’’قانون دی نظر اچ مساوات‘‘ دی اے کیا ہی انوکھی تشریح اے۔ پوسٹ دے چھیکڑ اچ محسن نقوی آکھیے ٻہوں خوب ، ایویں جاری رکھو! اتے کیا ایہا ریاستِ مدینہ اے۔ انہاں اپݨی پوسٹ اچ ایں حوالے نال جاری نوٹیفیکشن وی شیئر کیتا۔