سینیٹ دے چئیرمین یوسف رضا گیلانی دا آزاد کشمیر دے 78ویں یومِ تاسیس تے شہداء کوں خراجِ عقیدت

اسلام آباد۔24 اکتوبر (اے پی پی) سینیٹ دے چئیرمین یوسف رضا گیلانی آزاد کشمیر دے 78ویں یومِ تاسیس تے شہداء کوں خراجِ عقیدت پیش کیتا اتے کشمیری عوام دی طویل، عزم تے استقلال نال بھرپور جدوجہد آزادی کوں خراجِ تحسین پیش کیتا۔ جمعے کوں سینیٹ سیکرٹریٹ دے بیان دے مطابق سینیٹر یوسف رضا گیلانی آکھیا جو یومِ تاسیس ایں عہد دی تجدید اے جو کشمیری عوام دی جدوجہد آزادی کوں ہمیشہ یاد رکھیا ویسی، پاکستان کشمیری عوام دے نال مکمل سیاسی، اخلاقی تے سفارتی حمایت جاری رکھیسی۔ انہاں آکھیا جو عالمی برادری اقوام متحدہ دی قرارداداں دے مطابق مسئلہ کشمیر دے منصفانہ حل کیتے اپݨا کردار ادا کرے، جموں تے کشمیر اچ انسانی حقوق دی پامالی عالمی ضمیر کیتے لمحہ فکریہ اے۔ چئیرمین سینیٹ آکھیا جو کشمیری عوام دے عزم، حوصلے تے قربانیاں کوں سلام پیش کرینداں، او ݙینہہ دور کائنی جݙاں جموں و کشمیر اچ آزادی دا سجھ ابھرسی۔ انہاں آکھیا جو پاکستان دی پارلیمنٹ تے عوام کشمیری بھراواں دے نال شانہ بشانہ کھڑن، یومِ تاسیس اساکوں آزادی، جدوجہد تے قربانی دے تسلسل دی یاد ݙویندے۔