وزیراعظم شہباز شریف دی ہدایت تے27 اکتوبر کوں جموں تے کشمیر تے بھارت دے غیر قانونی قبضے دے خلاف یوم سیاہ مناوݨ دا فیصلہ

اسلام آباد۔ 24 اکتوبر(اے پی پی) وزیراعظم محمد شہباز شریف دی ہدایت تے 27 اکتوبر کوں جموں تے کشمیر تے بھارت دے غیر قانونی قبضے دے خلاف یوم سیاہ مناوݨ دا فیصلہ کیتا ڳئے۔ ایں موقع تے پورے ملک وچ سویلے 10 وڄے ہک منٹ دی خاموشی اختیار کیتی ویسی۔ کابینہ ڈویژن طرفوں جاری نوٹیفکیشن موجب، ہک منٹ دی خاموشی کشمیری عوام دے نال اظہار یکجہتی تے انہاں دی جدوجہد آزادی کوں خراج تحسین پیش کرݨ کیتے اختیار کیتی ویسی۔ جاری نوٹیفکیشن وچ سارے سرکاری تے نجی اداریں، تعلیمی اداریں تے عوام توں اپیل کیتی ڳئی اے جو او یوم سیاہ دے موقع تے کشمیر دے مظلوم عوام نال بھرپور یکجہتی دا اظہار کرن۔