اسلام آباد۔ 25 اکتوبر (اے پی پی) وزیراعظم محمد شہباز شریف پی آئی اے دی اسلام آباد توں مانچسٹر براہ راست پروازاں دے آغاز تے پوری قوم، خاص طور تے برطانیہ اچ رہݨ آلے پاکستانیاں کوں مبارکباد ڈتی اے۔ انہاں وزیر ہوابازی خواجہ محمد آصف، سول ایوی ایشن اتھارٹی، پی آئی اے تے متعلقہ اداریاں دے حکام دی ایں کم اچ کوششاں دی تعریف کیتی۔ انہاں دا آکھݨ ہئی جو …
وزیراعظم دی پی آئی اے دی اسلام آباد توں مانچسٹر براہ راست پروازاں دے آغاز تے پوری قوم کوں مبارکباد
مزید خبراں
اسلام آباد۔ 25 اکتوبر (اے پی پی) وزیراعظم محمد شہباز شریف پی آئی اے دی اسلام آباد توں مانچسٹر براہ راست پروازاں دے آغاز تے پوری قوم، خاص طور تے برطانیہ اچ رہݨ آلے پاکستانیاں کوں مبارکباد ڈتی اے۔ انہاں وزیر ہوابازی خواجہ محمد آصف، سول ایوی ایشن اتھارٹی، پی آئی اے تے متعلقہ اداریاں دے حکام دی ایں کم اچ کوششاں دی تعریف کیتی۔ انہاں دا آکھݨ ہئی جو پاکستان دے ہر ادارے اچ اصلاحات نال بہتری دا پندھ تیزی نال جاری اے۔ ہفتے کوں پی ایم آفس دے میڈیا ونگ توں جاری بیان موجب وزیراعظم پی آئی اے دی اسلام آباد توں مانچسٹر براہ راست پروازاں دے آغاز دے حوالے نال آکھیا جو اللہ دے فضل و کرم نال پاکستان دا پوری دُنیا اچ تشخص بحال تھیندا پئے۔ پابندی دی وجہ نال پی آئی اے دی ساکھ کوں نقصان پڄائے جیہڑی کئی سال دی محنت دے بعد بحال کیتی ڳئی اے۔ پی آئی اے دی براہ راست پروازاں نال برطانیہ اچ مقیم پاکستانی برادری مستفید تھیسی۔ انہاں آکھیا جو براہ راست پروازاں دی بحالی نال ڈوہیں ملکاں وچال تعلقات اچ نویں مضبوطی امسی۔ انہاں دا آکھݨ ہئی جو پاکستان دے ہر ادارے اچ اصلاحات نال بہتری دا پندھ تیزی نال جاری اے۔
