راولپنڈی۔ 25 اکتوبر (اے پی پی) چیف آف آرمی سٹاف فیلڈ مارشل صاحب عاصم منیر قاہرہ اچ اتحادیہ صدارتی محل اچ مصر دے صدر عبدالفتاح السیسی نال ملاقات کیتی۔ ملاقات اچ انہاں پاکستان تے مصر وچال دیرینہ دوستی دا اعادہ کریندیں ہوئیں ݙو پاسہ تعلقات تے ڳالھ کیتی۔ ہفتے کوں آئی ایس پی آر توں جاری بیان موجب فیلڈ مارشل صاحب عاصم منیر خطے دے امن تے استحکام اچ کلیدی …
فیلڈ مارشل صاحب عاصم منیر دی قاہرہ اچ مصر دے صدر عبدالفتاح السیسی نال ملاقات
مزید خبراں
راولپنڈی۔ 25 اکتوبر (اے پی پی) چیف آف آرمی سٹاف فیلڈ مارشل صاحب عاصم منیر قاہرہ اچ اتحادیہ صدارتی محل اچ مصر دے صدر عبدالفتاح السیسی نال ملاقات کیتی۔ ملاقات اچ انہاں پاکستان تے مصر وچال دیرینہ دوستی دا اعادہ کریندیں ہوئیں ݙو پاسہ تعلقات تے ڳالھ کیتی۔ ہفتے کوں آئی ایس پی آر توں جاری بیان موجب فیلڈ مارشل صاحب عاصم منیر خطے دے امن تے استحکام اچ کلیدی کردار ادا کرݨ تے مصری قیادت دی تعریف کیتی جݙاں جو صدر السیسی عالمی تے امت مسلمہ دے اہم معاملات اچ پاکستان دے مثبت تے فعال کردار کوں سراہیا۔ ڈوہیں رہنماواں آپسی سٹریٹجک مفادات دے معاملات تے رابطہ کاری دی اہمیت تے عوام توں عوام دے رابطیاں کوں مضبوط بݨاوݨ تے زور ݙتا۔ ملاقات اچ دوستانہ تعلقات دی مشترکہ تاریخ تے تمام شعبیاں خاص طور تے سماجی تے اقتصادی مشغولیت، ٹیکنالوجی تے سلامتی دے معاملات اچ تعاون کوں ٻیا وسیع کرݨ دی آپسی خواہش ظاہر کیتی ڳئی۔ ملاقات گرمجوشی نال اختتام پزیر تھئی، ڈوہاں فریقاں آکھا جو مضبوط اقتصادی تے سیکیورٹی ڈائیلاگ پاکستان، مصر تے وسیع تر خطے اچ امن، استحکام تے سلامتی اچ اہم کردار ادا کریسی۔
