وزیراعظم شہباز شریف دی تھائی لینڈ اتے کمبوڈیا وچال امن معاہدے تے ݙوہیں ملکاں دی قیادت اتے عوام کوں مبارکباد

اسلام آباد۔27اکتوبر (اے پی پی) وزیراعظم محمد شہباز شریف تھائی لینڈ اتے کمبوڈیا وچال امن معاہدے کوں امن اتے سفارت کاری کیتے تاریخی قرار ݙیندیں ہوئیں ݙوہیں ملکاں دی قیادت اتے عوام کوں مبارکباد ݙتی اتے امن معاہدے کیتے صدر ٹرمپ دے کلیدی کردار کوں سراہیا ۔ سنوار کوں سماجی رابطے دی ویب سائیٹ ’’ایکس ‘‘ تے جاری بیان اچ وزیراعظم آکھیا جو امن اتے سفارت کاری کیتے ایں ہک ٻئے تاریخی ݙینھ اے، کمبوڈیا اتے تھائی لینڈ دی قیادت اتے عوام کوں کوالالمپور امن معاہدے تے دلی مبارکباد پیش کرینداں۔ وزیراعظم آکھیا جو او امریکا دے صدر ڈونلڈ ٹرمپ کوں وی خراجِ تحسین پیش کریندن جو انہاں کوالالمپور معاہدے، غزہ امن منصوبے اتے مشرقِ وسطیٰ تے جنوبی ایشیا اچ امن تے استحکام کیتے بھرپور کوششاں نال عالمی امن کوں فروغ ݙیوݨ اچ کلیدی کردار ادا کیتا اتے دنیا بھر اچ لکھاں زندگیاں بچائن۔ وزیر اعظم آکھیا جو او آپݨے بھرا ملائیشیا دے وزیراعظم انور ابراہیم کوں وی خطے اچ امن اتے ہم آہنگی کیتے انتھک کوششاں تے خراجِ تحسین پیش کریندن۔