وزیراعظم شہباز شریف سعودی ولی عہد تے وزیرِاعظم شہزادہ محمد بن سلمان دی خصوصی دعوت تے فیوچر انویسٹمنٹ انیشی ایٹو کانفرنس اچ شرکت کیتے وفد دے رَلے ریاض روانہ

لاہور۔27اکتوبر (اے پی پی) وزیرِ اعظم محمد شہباز شریف سعودی ولی عہد تے وزیر اعظم شہزادہ محمد بن سلمان دی خصوصی دعوت تے فیوچر انویسٹمنٹ انیشی ایٹو دی نویں کانفرنس اچ شرکت کیتے پاکستانی وفد دے رَلے ریاض روانہ تھی ڳئے۔ سنوار کوں وزیراعظم آفس دے میڈیا ونگ توں جاری بیان موجب نائب وزیر اعظم و وزیرخارجہ سینیٹر محمد اسحاق ڈار، وفاقی وزیر خزانہ محمد اورنگزیب، وفاقی وزیر اطلاعات و نشریات عطاء اللہ تارڑ، معاونین خصوصی طارق فاطمی اتے بلال بن ثاقب وزیر اعظم دے نال وفد اچ شامل ہن ۔ ریاض اچ تھیوݨ آلی فیوچر انویسٹمنٹ انیشی ایٹو جِتھ عالمی رہنما، سرمایہ کار، پالیسی ساز اتے ٻئے شعبیاں دے ممتاز شخصیتاں شرکت کریسن اُتھاں پاکستان دی نمائندگی وزیراعظم محمد شہباز شریف کریسن ۔ وزیر اعظم پائیدار ترقی، اقتصادی شمولیت، جدت اتے عالمی جغرفیائی سیاست اچ تبدیلیاں تے تھیوݨ آلی ڳالھ مہاڑ اچ شرکت کریسن اتے پاکستان دا نکتہ نظر پیش کریسن ۔ وزیر اعظم دورے اچ سعودی قیادت نال ملاقاتاں وی کریسن جِتھ پاکستان اتے سعودی عرب وچال تجارت، سرمایہ کاری، توانائی اتے افرادی قوت دے شعبیاں اچ تعاون کوں ٻئیا ودھاوݨ بارے ڳالھ تھیسی۔ ملاقاتاں اچ آپسی دلچسپی دے عالمی تے علاقائی معاملیاں تے وی ڳالھ مہار تھیسی۔ وزیراعظم فیوچر انویسٹمنٹ انیشی ایٹو اچ شرکت کیتے آئے عالمی رہنماواں اتے بین الاقوامی اداریاں دے سربراہان نال ملاقاتاں وی کریسن ۔ ایں ملاقاتاں اچ پاکستان اچ سرمایہ کاری اتے پائیدار ترقی دے حوالے نال تعاون دی استعداد تے ڳالھ تھیسی۔