پاکستان کشمیریاں دے حقِ خودارادیت کیتے آپݨی اخلاقی، سیاسی اتے سفارتی حمایت جاری رکھیسی، وفاقی وزیر خالد حسین مگسی

اسلام آباد۔27اکتوبر(اے پی پی) وفاقی وزیر سائنس و ٹیکنالوجی خالد حسین مگسی جموں و کشمیر دے عوام دے نال پاکستان دی غیر متزلزل یکجہتی دا اعادہ کریندے ایں عزم کوں دوہرائے جو پاکستان کشمیریاں دے حقِ خودارادیت کیتے آپݨی اخلاقی، سیاسی اتے سفارتی حمایت جاری رکھیسی۔ یوم سیاہ کشمیر دے موقع تے آپݨے خصوصی پیغام اچ اُنھاں آکھیا جو 27 اکتوبر تاریخ دا ہک سیاہ ݙینھ اے جݙاں 1947 اچ بھارت غیر قانونی طور تے جموں و کشمیر تے قبضہ کیتا جیندے نتیجے اچ کشمیری عوام ݙھاکیں توں ظلم و ستم دا شکار ہن۔ اُنہاں بھارتی افواج ولوں جموں و کشمیر اچ جاری ظلم دی مذمت کریندے آکھیا جو ایں کارروائیاں انسانیت دے ضمیر کیتے ہک چیلنج ہن، مسئلہ کشمیر کوئی صرف علاقائی جھیڑا نی بلکہ ہک انسانی مسئلہ اے جیندے تے عالمی برادری کوں وقتی توجہ ݙیوݨ دی لوڑھ اے۔ وفاقی وزیر آکھیا جو بھارت کشمیری عوام دی انڄ شناخت کوں مٹاوݨ دی کوشش کریندا پئے لیکن کشمیریاں دی جدوجہد اتے قربانیاں اُنھاں دے عزمِ آزادی دی روشن علامت ہن۔ اُنھاں عالمی برادری تے زور ݙتا جو او کشمیری عوام دی جدوجہد کوں تسلیم کرے اتے اُنھاں موجب کردار ادا کرے۔ اُنہاں آکھیا جو جنوبی ایشیا اچ پائیدار امن اُو ویلھے تئیں ممکن نی جِتنی دیر مسئلہ کشمیر کوں اقوامِ متحدہ دیاں قرارداداں اتے کشمیری عوام دیاں امنگاں موجب حل نی کیتا ویندا