پاکستان کشمیری عوام دی اخلاقی، سیاسی اتے سفارتی حمایت ہر سطح تے جاری رکھیسی، بیرسٹر دانیال چوہدری

راولپنڈی۔27اکتوبر(اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو پاکستان کشمیری عوام دی اخلاقی، سیاسی اتے سفارتی حمایت ہر سطح تے جاری رکھیسی، 27 اکتوبر 1947 کشمیر دی تاریخ دا سیاہ ترین ݙینھ اے جݙاں بھارتی افواج سری نگر تے قبضہ کرتے بین الاقوامی قوانین اتے کشمیری عوام دی خواہش دی صریح خلاف ورزی کیتی اے۔ یوم سیاہ کشمیر دے موقع تے آپݨے پیغام اچ بیرسٹر دانیال چوہدری آکھیا جو کشمیری عوام پچھلے 78 سالاں توں بھارتی ظلم و جبر دا بہادری نال مقابلہ کریندے پئن لیکن اُنھاں دی جدوجہد آزادی اڄ وی پوری قوت نال جاری اے ۔ انہاں آکھیا جو عالمی برادری کوں بھارت کوں انسانی حقوق دی سنگین خلاف ورزیاں تے جوابدہ ٹھہراوݨا چاہیدے اتے کشمیری عوام کوں اُنھاں دے اقوام متحدہ دیاں قرارداداں اچ تسلیم شدہ حق خودارادیت ݙیوݨ کیتے عملی اقدامات کرݨے چاہیدن۔ انہاں آکھیا جو جنوبی ایشیا اچ امن و استحکام دا انحصار مسئلہ کشمیر دے منصفانہ اتے پائیدار حل تے اے، پاکستان عالمی سطح تے کشمیریاں دی آواز اُچی کریندا رہسی اتے 24 کروڑ پاکستانی کشمیری عوام دے نال کھڑے۔ بیرسٹر دانیال چوہدری آکھیا جو ہر سال 27 اکتوبر دنیا اچ رہݨ آلے کشمیری یوم سیاہ دے طور تے منیندن کیوں جو اُو ݙینھ 1947 اچ بھارتی افواج ریاست جموں و کشمیر تے قبضہ کر تے اُنھاں دی آزادی اتے خودمختاری کوں پامال کیتے۔ انہاں آکھیا جو ایں ݙینھ صرف ہک تاریخی واقعہ نی بلکہ ہک مسلسل المیہ اے جیہڑا اڄ وی برصغیر دے سیاسی افق تے ہک ادھورا وعدہ بݨ تے موجود اے ۔ انہاں آکھیا جو 5 اگست 2019 دے بعد بھارت آپݨیاں جارحانہ پالیسیاں اچ ٻئے شدت پیدا کیتی، جموں و کشمیر دی خصوصی حیثیت ختم کیتی، فوجی محاصرہ نافذ کیتا اتے اِیجھے ظالمانہ قوانین لاگو کیتے جِتھاں کشمیری عوام کوں بنیادی انسانی آزادیاں توں محروم کر ݙتے۔ وادی اچ اڄ وی نقل و حرکت، ابلاغ اتے اجتماع تے پابندیاں لاتن جݙاں جو ماورائے عدالت قتل، جبری گمشدگیاں اتے حراستی تشدد جیھے واقعات معمول بݨ چکن اے۔ وفاقی پارلیمانی سیکرٹری آکھیا جو بھارت منظم انداز اچ کشمیریاں کوں اُنہاں دی ھی سرزمین تے اقلیت اچ بدلݨ دی کوشش کریندا پئے جیہڑھا بین الاقوامی قوانین دی کھلی خلاف ورزی اے ۔ انہاں عالمی برادری، اقوام متحدہ اتے انسانی حقوق دیاں تنظیماں توں مطالبہ کیتا جو او بھارت دے مظالم کوں روکݨ اتے کشمیری عوام کوں انصاف ݙیوݨ کیتے فعال کردار ادا کرݨ اے۔ پاکستان کشمیری بھراواں اتے بھیݨاں دی بہادر جدوجہد کوں سلام پیش کریندے جِتھاں انہاں آپݨے ناقابل تنسیخ حق خودارادیت دے حصول کیتے قربانیاں ݙیندے پئن ۔ انہاں آکھیا پاکستان ہر عالمی فورم تے کشمیر دے مقدمے کوں اجاگر کریندا رہسی تاں جو برصغیر اچ پائیدار امن دے خواب کوں حقیقت بݨایا وںڄ سڳے