راولپنڈی، 27 اکتوبر (اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا بنگلہ دیش دے سرکاری دورے تے ہین جتھاں انہاں بنگلہ دیش دے چیف ایڈوائزر محمد یونس، چیف آف نیول سٹاف ایڈمرل محمد ناظم الحسن، چیف آف ایئر سٹاف ایئر چیف مارشل حسن محمود خان اتے بنگلہ دیش آرمڈ فورسز ڈویژن دے پرنسپل سٹاف آفیسر (پی ایس او) لیفٹیننٹ جنرل ایس ایم کامرول حسن نال ملاقاتاں …
چیئرمین جوائنٹ چیفس آف سٹاف کمیٹی جنرل ساحر شمشاد مرزا دیاں بنگلہ دیش اچ اعلیٰ حکام نال ملاقاتاں
مزید خبراں
راولپنڈی، 27 اکتوبر (اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا بنگلہ دیش دے سرکاری دورے تے ہین جتھاں انہاں بنگلہ دیش دے چیف ایڈوائزر محمد یونس، چیف آف نیول سٹاف ایڈمرل محمد ناظم الحسن، چیف آف ایئر سٹاف ایئر چیف مارشل حسن محمود خان اتے بنگلہ دیش آرمڈ فورسز ڈویژن دے پرنسپل سٹاف آفیسر (پی ایس او) لیفٹیننٹ جنرل ایس ایم کامرول حسن نال ملاقاتاں کیتن۔ آئی ایس پی آر موجب اپݨیاں انڄھ انڄھ ملاقاتاں اچ انہاں بدلدی عالمی اتے علاقائی صورتحال سودھا سیکورٹی دی امور تے ڳالھ مہاڑ کیتی۔ انہاں ݙو طرفہ دفاعی اتے سیکورٹی تعاون کوں ٻیا مضبوط کرݨ دی اہمیت تے الوایا۔ ساحر شمشاد مرز بنگلہ دیش نال پاکستان دے دیرینہ برادرانہ تعلقات دی اہمیت ڳݨویندے خودمختار مساوات اتے آپسی احترام دی بنیاد تے ݙو تعاون کوں ٻیا ودھاوݨ تے زور ݙتا۔ فریقین دفاع اتے سیکورٹی دے تعاون اچ بہتری دی امید کریندے فوج توں فوج وچال تعلقات اتے متعلقہ اقدامات ودھاوݨ دے آپݨے عہد دی تجدید کیتی۔ جنرل ساحر شمشاد مرز سلہٹ اچ سکول آف انفنٹری اینڈ ٹیکٹکس دا وی دورہ کیتا اتے استاداں اتے طالبعلماں نال ملین۔ بنگلہ دیش دی سِول-ملٹری قیادت پاکستان دی مسلح افواج دے اعلیٰ پیشہ ورانہ معیار اتے دہشت گردی دے خلاف جنگ اچ انہاں دیاں کامیابیاں اتے قربانیاں دی تعریف کیتی۔ ایں توں پہلے، سینا کنجو اچ پُڄݨ تے، خصوصی فوجی دستے چیئرمین جوائنٹ آف سٹاف کمیٹی کوں ‘گارڈ آف آنر’ پیش کیتا اتے انہاں شکھا انربان تے پھلاں دی چادر وی چڑھائی
