چیئرمین جوائنٹ چیفس آف سٹاف کمیٹی جنرل ساحر شمشاد مرزا دا مالدیپ دا سرکاری دورہ، صدر اتے دفاعی قیادت نال ملاقاتاں

اسلام آباد، 27 اکتوبر(اے پی پی)چیئرمین جوائنٹ چیفس آف سٹاف کمیٹی  جنرل ساحر شمشاد مرزا مالدیپ دا سرکاری دورہ کیتا اتے ملک دی قیادت نال بدلدی عالمی اتے علاقائی سیکورٹی صورتحال، آپسی دلچسپی دے امور، ݙو طرفہ دفاع اتے سیکورٹی تعاون تے ڳالھ کیتی۔ اپݨے دورے اچ جنرل ساھر شمشاد مرزا مالدیپ دے صدر ڈاکٹر محمد معیزو، وزیر دفاع محمد غسان مامون اتے مالدیپ دے چیف آف ڈیفنس فورس میجر جنرل ابراہیم حلمی نال ملاقاتاں کیتن۔ مالدیپ اچ پاکستان دے ہائی کمشنر وائس ایڈمرل (ر) فیصل رسول لودھی چیئرمین جوائنٹ چیفس آف سٹاف کمیٹی جنرل ساحر شمشاد مرزا اتے انہاں دے وفد نال ساریاں سرکاری مصروفیات اچ نال رہین۔ ملاقاتاں اچ ݙوہاں فریقین ݙوہیں ملکاں وچال تاریخی برادرانہ تعلقات کوں منیندے ہوئے باہمی تعاون ودھاوݨ تے زور ݙتا جو ݙو طرفہ تعلقات مشترکہ عقیدے، ہک ݙوجھے دی خودمختار اقدار سانڳے آپسی احترام، اتے آپسی اعتماد دی مضبوط بنیاد تے قائم ہن۔ انہاں ݙوہاں ملکاں وچال فوج توں فوج دے تعلقات کوں ٻیا ودھاوݨ دے رستیاں تے وی غور کیتا اتے شراکت داری کوں ٻئے مضبوط کرݨ دے مشترکہ عزم دا اعادہ کیتا۔ مالدیپ دی سول-ملٹری قیادت پاکستان دی مسلح افواج دی پیشہ ورانہ مہارت دی تعریف کیتی اتے دہشت گردی دے خلاف جنگ اچ انہاں دیاں قربانیاں کوں تسلیم کیتا۔ ایں توں پہلے، ایم این ڈی ایف ہیڈکوارٹرز پُڄݨ تے مالدیپ دے خصوصی فوجی دستے جنرل ساھر شمشاد مرزا کوں سلامی ݙتی۔ جنرل ساحر شمشاد مرزا آپݨے وفد دے نال، ہلّومالے اچ پاکستان دے ہائی کمیشن اچ پاکستان دے ہائی کمشنر وائس ایڈمرل (ر) فیصل رسول لودھی نال وی ملاقات کیتی۔ انہاں آکھیا جو مالدیپ خطے اچ پاکستان دا ہک اہم شراکت دار اے اتے تاریخی برادرانہ تعلقات مشترکہ عقیدے، اعتماد اتے ہک ݙوجھے دی خودمختار اقدار کیتے آپسی احترام دی مضبوط بنیاد تے قائم ہن۔ انہاں زور ݙتا جو مالدیپ نال ݙو طرفہ تعاون دے دائرہ کار اتے پیمانے کوں پورے ݙو طرفہ تعاون دے شعبے اچ، خاص طور تے تجارت، تعلیم، صحت، ماحولیاتی تبدیلی، سیاحت اتے خصوصاً دفاع، فوجی تعاون اتے سمندری سیکورٹی دے میداناں اچ، ٻیا ودھاوݨ دی ودھ صلاحیت موجود اے۔