اسلام آباد۔ 28 اکتوبر (اے پی پی (وفاقی وزیرِ داخلہ محسن نقوی اسلام آباد پولیس دے وفات پاوݨ آلے ایس پی عدیل اکبر دے ٹٻر نال تعزیت کیتے کامونکی اچ انہاں دے گھر ڳئے۔ ایں موقعے تے اسلام آباد پولیس دے ڈی آئی جی عتیق طاہر، ڈی آئی جی جواد طارق اَتے ڈی آئی جی ہارون جوئیہ وی وزیرِ داخلہ دے نال ہن۔ وفاقی وزیرِ داخلہ محسن نقوی مرحوم ایس …
وفاقی وزیرِ داخلہ محسن نقوی ولوں ایس پی عدیل اکبر دے اہلِ خانہ نال تعزیت
مزید خبراں
اسلام آباد۔ 28 اکتوبر (اے پی پی (وفاقی وزیرِ داخلہ محسن نقوی اسلام آباد پولیس دے وفات پاوݨ آلے ایس پی عدیل اکبر دے ٹٻر نال تعزیت کیتے کامونکی اچ انہاں دے گھر ڳئے۔ ایں موقعے تے اسلام آباد پولیس دے ڈی آئی جی عتیق طاہر، ڈی آئی جی جواد طارق اَتے ڈی آئی جی ہارون جوئیہ وی وزیرِ داخلہ دے نال ہن۔ وفاقی وزیرِ داخلہ محسن نقوی مرحوم ایس پی عدیل اکبر دے والد، بھرا اَتے ٻئے گھر آلیاں نال مل تے ݙُکھ دا اظہار کیتا۔ انہاں مرحوم کیتے فاتحہ خوانی کیتی اَتے ٹٻر کیتے صبرِ جمیل دی دعا منگی۔ وزیرِ داخلہ آکھیا جو ایس پی عدیل اکبر اسلام آباد پولیس دا ہک قیمتی اثاثہ ہا، جیڑھا آپݨی پیشہ ورانہ ذمہ واریاں نہایت محنت، دیانت اَتے لگن نال نبھیندا ہا۔ ہک فرض شناس اَتے محنتی افسر دی اچانک موت تے ٻہوں ݙُکھ تھیے۔ ایں ݙُکھ دی گھڑی اچ اساں انہاں دے نال ہیسےں۔ انہاں آکھیا جو جو پولیس فورس ہک باصلاحیت اَتے بہادر افسر ونڄائے جئیں دی خدمتاں ہر ویلھے یاد رکھی ویسن۔ ایں موقعے تے وزیرِ داخلہ مرحوم دے ٹٻر کوں یقین ݙیوایا جو حکومت انہاں نال ہر ممکن تعاون کریسی۔
