پاکستان دی ترکیہ اچ زلزلے توں متاثرہ لوکاں، عوام اتے حکومت نال یکجہتی

اسلام آباد۔ 28 اکتوبر(اے پی پی)پاکستان ترکیہ اچ آؤݨ والے زلزلے توں بعد متاثرہ لوکاں، عوام تے حکومت نال یکجہتی کیتے۔ نائب وزیر اعظم اتے وزیر خارجہ سینیٹر محمد اسحاق ڈار منگل کوں سوشل میڈیا پلیٹ فارم ایکس تے آکھیے جو پاکستان ترکیہ اچ آؤݨ والے 6.1 شدت دے زلزلے توں بعد ترک عوام نال مکمل یکجہتی دے نال کھڑے۔ اونہاں آکھیا جو پاکستان ترکیہ کوں ریسکیو تے ریلیف دی کوششاں اچ انسانی ہمدردی دی بنیاد تے مدد ݙیواݨ واسطے تیار اے، اساڈیاں دعاواں سارے متاثرین دے نال ہن۔ نائب وزیر اعظم آکھیا جو دعا اے جو علاقہ تیزی نال اتے لچک دے نال بحال تھی ونجے۔ واضح رہوے جو پچھلی رات مغربی ترکیہ دے صوبہ بالی سیر دے ضلع سندرگی اچ 6.1 شدت دا زلزلہ آیا ہئی۔