وزیرِ اعظم محمد شہباز شریف سعودی عرب دا دورہ پُورا کرݨ توں بعد وطن واپسی روانہ تھی ڳئے

ریاض۔29اکتوبر (اے پی پی) وزیرِ اعظم محمد شہباز شریف سعودی عرب دا دورہ پُورا کرݨ توں بعد وطن واپسی روانہ تھی ڳئے، بُدھ کوں ریاض دے نائب گورنر شہزادہ محمد بن عبدالرحمٰن بن عبدالعزیز وزیراعظم اَتے پاکستانی وفد کوں کنگ خالد انٹرنیشنل ایئرپورٹ تے الوداع کیتا۔ پی ایم آفس دے میڈیا وِنگ توں جاری بیان موجب وزیرِ اعظم دی دورے اِچ سعودی عرب دے ولی عہد اَتے وزیرِ اعظم شہزادہ محمد بن سلمان بن عبدالعزیز آل سعود نال ملاقات تھیئی جیندے اِچ پاکستان اَتے سعودی عرب وچال اقتصادی تعاون دے فریم ورک دا شروع تھیوݨ کیتا ڳیا، اے فریم ورک پاکستان اَتے سعودی عرب وچال اقتصادی تعلقات اِچ ہِک نویں باب دا شروع تھیوݨ اے، فریم ورک پاکستان اَتے سعودی عرب وچال موجود دیرینہ تعلقات دی ٻئی مضبوطی دے حوالے نال اقتصادی تعاون، ݙوہیں ملکاں وچال تعاون دی نویں راہواں لَبھݨ اِچ اہم کردار ادا کریسی۔ ایں فریم ورک دے تحت ݙوہیں ملکاں وچال توانائی، صنعت، کان کَنی، انفارمیشن ٹیکنالوجی، سیاحت، زراعت اَتے غذائی تحفظ دے شعبیاں اِچ تعاون، نِجّی شعبے دے کردار کوں ودھاوݨ اَتے تجارتی تبادلیاں دے ودھارے کیتے کم تھیسی۔