وزیرِ داخلہ دی ایران دے سکیورٹی کونسل دے سیکرٹری اتے آپݨے ایرانی ہم منصب نال انڄ انڄ ملاقاتاں

تہران۔ 29 اکتوبر (اے پی پی) وفاقی وزیرِ داخلہ محسن نقوی ایران دے سپریم نیشنل سکیورٹی کونسل دے سیکرٹری علی اردشیر لاریجانی اتے ایرانی ہم منصب سکندر مومنی نال انڄ اناڄ ملاقاتاں کیتی۔ سپریم نیشنل سکیورٹی کونسل دے دفتر آوݨ تے سیکرٹری علی اردشیر لاریجانی وزیرِ داخلہ محسن نقوی دا پرتپاک استقبال کیتا۔ ملاقات اچ پاک ایران تعلقات، سکیورٹی تعاون، دہشت گردی نال لڑائی، منشیات نال لڑائی اتے بارڈر مینجمنٹ دے حوالے نال ڳالھ تھئی۔ فریقین ایں گل تے متفق تھئے جو ݙُو پاسہ تعاون کوں ٻیا مضبوط ٻݨایا ونجے اتے مشترکہ رابطے ودھاوݨ دی لوڑھ اے۔ ایں موقع تے وزیرِ داخلہ محسن نقوی آکھیا جو پاکستان ایران نال سکیورٹی اتے منشیات نال لڑائی دے شعبیاں اچ تعاون کوں ٻیا ودھاوݨ۔ ایرانی سپریم نیشنل سکیورٹی کونسل دے سیکرٹری علی اردشیر لاریجانی آکھیا جو ݙُو پاسہ تعلقات اچ مثبت تبدیلیاں چنگیاں گالھ اے۔ ایں توں بعد وزیرِ داخلہ محسن نقوی ایرانی ہم منصب سکندر مومنی نال وی ملاقات کیتی جیندے اچ داخلی سلامتی دے معاملے اتے منشیات نال لڑائی دے حوالے نال آپسی تعاون تے گالھ ہوئی۔ محسن نقوی ECO وزارتی کانفرنس دے کامیاب انعقاد تے ایرانی وزیرِ داخلہ کوں مبارکباد ݙتی اتے آکھیا جو ایں کانفرنس دے رکن مُلکاں واسطے گہرے اثرات ثابت تھیسن۔ انہاں آکھیا جو پاکستان داخلی سلامتی دے معاملیاں اچ ایران دے تجربیاں توں فیدہ چاوݨ چاہندے۔ وزیرِ داخلہ محسن نقوی ایرانی ہم منصب کوں پاکستان دے دورے دی دعوت ݙتی، جیندے تے سکندر مومنی آکھیا جو میں جلدی آ]ݨے بھرا کوں مِلݨ اسلام آباد امساں۔ ایرانی وزیرِ داخلہ ECO وزارتی کانفرنس اچ شرکت تے پاکستانی ہم منصب دا شکریہ ادا کیتا۔ ایں موقع تے وفاقی سیکرٹری داخلہ خرم آغا، ایران اچ پاکستان دے سفیر محمد مدثر ٹیپو، ایرانی وزارتِ داخلہ دے وݙے افسر اتے سفارتی اہلکار وی موجود ہن۔