پاکستان اتے ترکیے معاشی، سماجی، دفاعی و تذویراتی تعاون اچ اڳو تے ودھدے پین، وزیر اعظم محمد شہباز شریف دا ترکیے دے 102 ویں قومی ݙینھ سانڳے اسلام آباد اچ تھیوݨ آلی خصوصی تقریب نال خطاب

اسلام آباد۔29اکتوبر(اے پی پی)وزیراعظم محمد شہباز شریف ترکیے دے قومی ݙینھ تے ترکیہ دے صدر رجب طیب اردوان اتے ترکیہ دی عوام کوں مبارکباد ݙیندے آکھیے جو پاکستان اتے ترکیہ ہر ݙکھ سکھ اچ ہک ݙوڄھے دے نال کھڑن، پاکستان اتے ترکیے معاشی، سماجی، دفاعی و تذویراتی تعاون اچ اڳو تے ودھدے پین، ساݙے تعلقات قریبی مذہبی، اخلاقی اتے معاشی و سماجی رشتے اچ جڑیے ہوئے ہین، بھارت نال جنگ ہووے، سیلاب ڄھیاں آفات یا کوئی ٻیا امتحان، ترکیہ ہمیشہ پاکستان دی حمایت کیتی اے، اساں ہر فورم تے ہک ٻئے دے نال کھڑے ہیں، پاکستان ترکیہ نال اپݨے ودھ تعلقات کوں وݙی اہمیت ݙیندے اتے اساں ترکیہ نال ڳانݙھا ٻیا تکڑا کرݨ چاہندے ہیں۔ اے ڳالھ انہاں ترکیے دے 102 ویں قومی ݙینھ سانڳے اسلام آباد اچ تھیوݨ آلی خصوصی تقریب نال خطاب اچ آکھی۔ وزیر اعظم آکھیا جو ترکیے ہر اوکھے ویلھے پاکستان دا ساتھ ݙتے، ݙوہیں ملک معاشی، سماجی، دفاعی و تذویراتی تعاون اچ اڳو تے ودھدے پین، ترکیے دی معاشی اتے سفارتی کامیابیاں دا سفر بت مثال اے، کمال اتاترک جدید ترکیے دی بنیاد رکھی ہئی ٻھل طیب اردوان دی قیادت اچ ترکیہ ہر میدان اچ اڳوتے ودھا پئے۔ انہاں آکھیے جو عالمی سطح تے ترکیہ کشمیر اتے فلسطین دے معاملے تے پاکستان دے موقف دے نال کھڑے اتے پاکستان وی قبرص دے معاملے تے ترکیہ دی بھرپور حمایت کریندے۔ انہاں پاک بھارت اڄوکی کشیدگی اچ ترکیہ دی غیر متزلزل حمایت دی تعریف کریندے آکھیے جو ساݙی بھارت نال چار ݙینھ جنگ رہی، فیلڈ مارشل جنرل عاصم منیر دی اڳواݨی اچ اساں بھارت کوں وݙا سبق سکھائے، ایں دوران ترکیے دے قیادت چٹان آلی کار پاکستان دے نال رہی ہے، سیلاب دے موقع تے وی ودھ امداد تے ترکیہ دے مشکور ہیں۔ انہاں آکھیا جو پاکستان اَتے ترکیہ دے تعلقات آپس اچ عزت، بھرا ٻھرپی اَتے اعتبار آلے ہین، ݙوہائیں ملکاں ہر اوکھے ویلھے ہک ݙوجھے دا ہتھ ونݙائے۔ وزیر اعظم آکھیا جو پاکستان اَتے ترکیہ دے عوام دے تاریخی اَتے ثقافتی تعلقات ہین ڄیکوں ٻیا تکڑا کیتا ویندا پئے، پاکستان اَتے ترکیہ عالمی امن اَتے ترقی دے سانجھے مقصداں کیتے ہک مٹھ ہین۔ انہاں ترکیہ دی قیادت اَتے عوام کیتے نیک خواہشات پچیندے 102 ویں قومی ݙینھ سانڳے اپݨی حکومت اتے ولوں مبارک باد ݙتی۔