سکیورٹی فورسز بلوچستان دے ضلع کوئٹہ اتے کیچ اچ 2 انڄ انڄ کارروائیاں اچ ‘فتنہ الہندوستان’ دے 18 دہشت گرد ہلاک کر ݙتے، آئی ایس پی آر

راولپنڈی۔ 30 اکتوبر (اے پی پی) سکیورٹی فورسز بلوچستان دے ضلع کوئٹہ اتے کیچ اچ 2 انڄ انڄ کارروائیاں اچ ‘فتنہ الہندوستان’ دے 18 دہشت گرد ہلاک کر ݙتن۔ پاک فوج دے شعبہ تعلقات عامہ (آئی ایس پی آر) توں جاری بیان موجب، بلوچستان اچ 28 اتے 29 اکتوبر کوں ݙو انڄ انڄ انٹیلی جنس بیسڈ آپریشنز اچ بھارتی پراکسی ‘فتنہ الہندستان’ دے 18 دہشت گرد ہلاک کر ݙتے ڳئے۔ پہلا آپریشن کوئٹہ دے علاقے چلتن پہاڑاں اچ کیتا ڳیا جئیں اچ فائرنگ دے شدید تبادلے توں بعد بھارتی حمایت یافتہ 14 دہشت گرد ہلاک کر ݙتے ڳئے۔ ݙوجھی کارروائی ضلع کیچ دے علاقے بلیدہ اچ کیتی ڳئی، جئیں اچ 4 دہشت گرد مارے ڳئے۔ ہلاک تھیوݨ آلے دہشت گرد دہشت گردی دی کئی کارروائیاں اچ ملوث ہن۔ آئی ایس پی آر موجب، سکیورٹی فورسز اتے قانون نافذ کرݨ آلے اداریاں ولوں نیشنل ایکشن پلان دے تحت ’’عزمِ استحکام‘‘ دے وژن نال انسدادِ دہشتگردی مہم پوری قوت نال جاری اے۔