وزیراعظم محمد شہباز شریف دا ضلع باجوڑ اچ انتہائی مطلوب سرغنہ سودھے 4 ‘خارجیاں’ کوں جہنم واصل کرݨ تے سکیورٹی فورسز کوں خراج تحسین

اسلام آباد۔ 30 اکتوبر (اے پی پی) وزیراعظم محمد شہباز شریف، ضلع باجوڑ اچ سکیورٹی آپریشن اچ انتہائی مطلوب ‘خارجی’ سرغنہ سمیت 4 ‘خارجیاں’ کوں جہنم واصل کرݨ تے سکیورٹی فورسز کوں خراج تحسین پیش کیتے۔ خمیس کوں وزیراعظم آفس دے میڈیا ونگ ولوں جاری بیان موجب، وزیراعظم آکھیا جو سکیورٹی فورسز آپݨی پیشہ ورانہ مہارت نال انتہائی مطلوب ‘خارجی’ کمانڈر امجد کوں جہنم رسید کر تے پاکستان دی سلامتی دے دشمناں دے برے ارادیاں کوں مٹی اچ ملا ݙتا۔ انہاں آکھیا جو معصوم اتے نہتے شہریاں دے جان و مال کوں نقصان پڄاوݨ آلیاں کوں ایں طریقے نال شکست ݙیندے رہسوں۔ وزیراعظم آکھیا جو حکومت پاکستان ملک توں دہشت گردی دے ‘عفریت’ دے مکمل خاتمے کیتے پُر عزم اے۔