حکومت رہائشی مسئلے دے پائیدار حل کیتے چنڳی حکمت عملی اپنیندی پئی اے، میاں ریاض حسین پیرزادہ

اسلام آباد۔ 30 اکتوبر(اے پی پی) وفاقی وزیر برائے ہاؤسنگ اینڈ ورکس میاں ریاض حسین پیرزادہ آکھیے جو حکومت رہائشی مسئلے دے پائیدار حل کیتے چنڳی حکمت عملی اپنیندی پئی اے، نَویں قومی ہاؤسنگ پالیسی 2025 ساریاں سٹیک ہولڈرز کُوں رلاوݨ نال ٻݨائی ڳئی اے تاں جو ہر شہری کُوں مناسب رہائش مِل سڳے۔ وفاقی وزیر اے ڳالھ لاہور ایکسپو سینٹر اچ ‘بلڈ پاکستان 2025’ تعمیری نمائش دے افتتاح ویلھے آکھی۔ ترائے ڈینہہ دی ایں نمائش اچ جدید تعمیری ٹیکنالوجی، رہائشی منصوبے اَتے تعمیری حل پیش کیتے ویندے پئن۔ میاں ریاض حسین پیرزادہ آکھیا جو سرکاری اَتے نجی شعبیاں دی سانجھ ہاؤسنگ دے شعبے اچ پائیدار ترقی کیتے ٻہوں ضروری اے، ہاؤسنگ فنانس سکیم گھٹ آمدنی آلے طبقے کُوں آپݨا گھر حاصل کرݨ اچ مدد ݙیسی۔