اسلام آباد۔ 31 اکتوبر (اے پی پی) وزیرِ اعظم دے معاون خصوصی برائے صنعت و پیداوار ہارون اختر خان جمعہ کوں اسلام آباد اچ مشہور جیم سٹونز ایکسپورٹر بارنیبی پلو رائٹ نال ملاقات کیتی۔ وزارت صنعت تے پیداوار ولوں جاری بیان موجب ملاقات اچ آندی قومی جیم سٹونز پالیسی دی تیاری نال متعلق معاملیاں تے تفصیلی گالھ مہاڑ کیتی ڳئی۔ ملاقات اچ ݙوہیں فریقین پاکستان دے جیم سٹونز دے شعبے …
پااکستان اچ نیشنل جیم سٹونز پالیسی دی تیاری جاری اے، معاون خصوصی ہارون اختر خان
مزید خبراں
اسلام آباد۔ 31 اکتوبر (اے پی پی) وزیرِ اعظم دے معاون خصوصی برائے صنعت و پیداوار ہارون اختر خان جمعہ کوں اسلام آباد اچ مشہور جیم سٹونز ایکسپورٹر بارنیبی پلو رائٹ نال ملاقات کیتی۔ وزارت صنعت تے پیداوار ولوں جاری بیان موجب ملاقات اچ آندی قومی جیم سٹونز پالیسی دی تیاری نال متعلق معاملیاں تے تفصیلی گالھ مہاڑ کیتی ڳئی۔ ملاقات اچ ݙوہیں فریقین پاکستان دے جیم سٹونز دے شعبے کوں پالیسی اصلاحات، دستاویزی بݨاوݨ اتے بین الاقوامی تعاون دے ذریعے مضبوط بݨاوݨ دے طریقہ کار تے گالھ کیتی۔ معاون خصوصی بارنیبی دے جیم سٹونز سیٹ اپ دا وی دورہ کیتا جتھ انہاں کوں ہیریاں دی تراش خراش، درجہ بندی اتے پیکنگ دے پورے عمل توں آگاہ کیتا ڳیا۔ ہارون اختر خان آکھیا جو وزیرِ اعظم محمد شہباز شریف دی خاص ہدایت تے جیم سٹونز دی قومی پالیسی تیار کیتی ویندی پئی اے تاںجو جیم سٹونز دے برآمد کرݨ آلیاں اتے صنعت کاراں کوں سہولت ݙتی ونڄے۔ انہاں آکھیا جو نویں پالیسی دے تحت جیم سٹونز ایکسپورٹرز کوں صنعت دا درجہ ݙتا ویسی جئیں نال ایں غیر رسمی شعبے کوں دستاویزی اتے منظم بݨاوݨ اچ مدد ملسی، جیہڑا فی الحال تقریباً 2 ارب امریکی ڈالر دی غیر دستاویزی تجارت تے مشتمل اے۔ انہاں آکھیا جو ایں پالیسی دا مقصد جیم سٹونز انڈسٹری کوں ملکی معیشت دے رسمی حصے اچ شامل کرݨ اے تاںجو پاکستان قیمتی زرمبادلہ کما سڳے۔ اے پالیسی ہک مہینے دے اندر بین الاقوامی چنڳے تجربات اتے کامیاب عالمی ماڈلاں دی روشنی وچ تیار کیتی ویسی۔
