افغان مہاجرین دی باعزت وطن واپسی دا سلسلہ جاری، چمّن بارڈر توں نیڑے تریڑے 10 ہزار 7 سو افغان مہاجرین کوں باعزت طریقے نال افغانستان واپس بھیجا ڳیا

اسلام آباد۔ 1 نومبر (اے پی پی) افغان مہاجرین دی باعزت وطن واپسی دا سلسلہ  جاری اے، گزریل ݙینھ صرف چمّن بارڈر توں نیڑے تریڑے 10 ہزار 7 سو افغان مہاجرین کوں باعزت طریقے نال افغانستان واپس بھیجا ڳیا۔ تفصیلات دے مطابق افغان مہاجرین دی وطن واپسی دا سلسلہ چمن دے بعد ہفتے توں طورخم سرحد توں وی شروع کر ݙتا ڳیا۔ سرکاری اعدا و شمار موجب ہݨ تئیں نیڑے تریڑے 15 لکھ 60 ہزار افغان مہاجرین دی وطن واپسی تھی ڳئی اے۔ افغان مہاجرین دی واپسی قانونی طریقے نال کیتی ویندی پئی اے۔ ہر بندے دے کاغذات دی تصدیق دے بعد ای سرحد لنگھݨ دی اجازت ݙتی ویندی پئی اے۔ افغان مہاجرین کیتے ایف سی اَتے سول انتظامیہ ولوں نہ صرف رہائش بلکہ کھاوݨ دا وی انتظام کیتا ڳئے۔ افغان جنگ اَتے خانہ جنگی پاروں پاکستان 40 سالاں تئیں افغانیاں دی چنڳی میزبانی کیتی اَتے ہِک وݙی مثال قائم کیتی۔ افغان مہاجرین دی واپسی دا قدم پاکستان آپݨی قومی سلامتی کوں ݙیکھدیں ہوئیں چاتے۔ پاکستان اچ ہݨ بغیر پاسپورٹ اَتے ویزے دے داخلہ ممکن نہ ہوسی۔ اے قدم پاک افغان تعلقات اچ آپسی احترام دی مضبوط بنیاد اے۔