لاہور۔2نومبر (اے پی پی) وفاقی وزیرداخلہ محسن نقوی نال گورنر پنجاب سردار سلیم حیدر مُلاقات کیتی جئیں اِچ آپس دی دلچسپی دے معاملے، سیاسی اَتے مُلکی صورتحال تے گالھ مہاڑ کیتی گئی۔ اِتوار کوں وزارت داخلہ توں جاری بیان مُطابق گورنر پنجاب جنوبی افریقہ دے خلاف ٹی ٹوئنٹی سیریز جِتّݨ تے محسن نقوی کوں مُبارکباد ڈِتی۔ گورنر پنجاب سردار سلیم حیدر آکھیا جو قومی ٹیم جنوبی افریقہ دے خلاف ٹی …
وفاقی وزیرداخلہ محسن نقوی نال گورنر پنجاب سردار سلیم حیدر دی مُلاقات، سیاسی اَتے مُلکی صورتحال تے گالھ مہاڑ
لاہور۔2نومبر (اے پی پی) وفاقی وزیرداخلہ محسن نقوی نال گورنر پنجاب سردار سلیم حیدر مُلاقات کیتی جئیں اِچ آپس دی دلچسپی دے معاملے، سیاسی اَتے مُلکی صورتحال تے گالھ مہاڑ کیتی گئی۔ اِتوار کوں وزارت داخلہ توں جاری بیان مُطابق گورنر پنجاب جنوبی افریقہ دے خلاف ٹی ٹوئنٹی سیریز جِتّݨ تے محسن نقوی کوں مُبارکباد ڈِتی۔ گورنر پنجاب سردار سلیم حیدر آکھیا جو قومی ٹیم جنوبی افریقہ دے خلاف ٹی ٹوئنٹی سیریز اِچ چن٘گی کرکٹ کھیڈی اَتے سیریز آپݨے ناں کیتی۔ مُلاقات اِچ پی پی پی پنجاب دے معاملیاں تے تفصیل نال گالھ کیتی گئی۔ گورنر پنجاب سردار سلیم حیدر آکھیا جو مُلک دی ترقی اَتے استحکام کیتے رَل تے کم کرݨا پوَسی۔ اِیں موقع تے وفاقی وزیر داخلہ محسن نقوی آکھیا جو پاکستان کیتے ساریاں کوں چن٘گی سوچ نال ہِک تھیوݨا اے۔ اتفاق اَتے اِتّحاد دی لوڑھ جِتّی اَڄ اے، پہلے کَڈاہیں کائنا ہئی۔ قومی تے عسکری قیادت اتحاد و یکجہتی نال ہر محاذ تے کامیابیاں گھِدن۔
