اسلام آباد۔2نومبر (اے پی پی) صدرِ مملکت آصف علی زرداری قطر اِچ تھیوݨ آلی ݙُوجھی عالمی سماجی ترقیاتی کانفرنس اِچ شرکت کریسن۔ اِتوار کوں ایوان صدر دے پریس ونگ توں جاری بیان مُطابق اِے کانفرنس اقوامِ متحدہ دی جنرل اسمبلی دے ماتحت 4 توں 6 نومبر کوں دوحہ اِچ تھیسی۔ صدر آصف علی زرداری سماجی ترقی، روزگار دے مواقع ودھاوݨ اَتے رَل تے معاشی ودھارے کیتے پاکستان دا عزم کریسن …
صدرِ آصف علی زرداری قطر اچ تھیوݨ آلی ݙُوجھی عالمی سماجی ترقیاتی کانفرنس اِچ شرکت کریسن
اسلام آباد۔2نومبر (اے پی پی) صدرِ مملکت آصف علی زرداری قطر اِچ تھیوݨ آلی ݙُوجھی عالمی سماجی ترقیاتی کانفرنس اِچ شرکت کریسن۔ اِتوار کوں ایوان صدر دے پریس ونگ توں جاری بیان مُطابق اِے کانفرنس اقوامِ متحدہ دی جنرل اسمبلی دے ماتحت 4 توں 6 نومبر کوں دوحہ اِچ تھیسی۔ صدر آصف علی زرداری سماجی ترقی، روزگار دے مواقع ودھاوݨ اَتے رَل تے معاشی ودھارے کیتے پاکستان دا عزم کریسن اَتے بینظیر انکم سپورٹ پروگرام دے سماجی تحفظ، غریبی گھٹاوݨ اَتے کمزور طبقیاں کوں مضبوط کرݨ اِچ مُڈھلے کردار تے ڳالھ مہاڑ کریسن۔ صدر آصف علی زرداری دوحہ الائنڈ سوشل پروٹیکشن اینڈ جابز کمپیکٹ (2026-28) دے شروع کرݨ کیتے پاکستان دی تیاری دے حوالے نال وی گالھ کریسن۔ صدر آصف علی زرداری ترقیاتی سانجھے داراں اَتے بین الاقوامی مالیاتی اداریاں نال نیڑے دے رابطیاں دا عزم کریسن۔ صدرِ مملکت ایس ڈی جی اسٹیمولس، قرض برائے سماجی و ماحولیاتی تبدیلیاں اَتے چین دے گلوبل ڈیویلپمنٹ انیشی ایٹو سویں زریعہ نال مالی وسیلے گھِنݨ دی اہمیت تے زور ڈیسن۔ صدرِ مملکت دوحہ سربراہ اجلاس دے نتیجیاں کوں عملی کماں اِچ پائیدار، رَل تے ترقی کوں ودھاوݨ کیتے پاکستان دے پکے ارادے کوں دُہریسن۔ اِیں موقع تے صدرِ مملکت عالمی اَتے علاقائی رہنماواں، خاص کر قطر دی قیادت اَتے اقوامِ متحدہ سودھے اہم بین الاقوامی تنظیماں دے سربراہان نال اہم مُلاقاتاں وی کریسَن۔
