ہر سال 10 ہزار ماواں زچگی توں پہلے دے امراض پاروں فوت تھی ویندن، وفاقی وزیر قومی صحت سید مصطفیٰ کمال

اسلام آباد۔ 3 نومبر (اے پی پی) وفاقی وزیر قومی صحت سید مصطفیٰ کمال آکھیا جو ہر سال 10 ہزار ماواں زچگی توں پہلے دے امراض پاروں فوت تھی ویندن، پاکستان اچ غربت بیماریاں دی سب توں وݙی وجہ اے، ہیپاٹائٹس اچ پاکستان بدقسمتی نال پہلے نمبر تے اے۔ اے ڳالھیں انہاں “فارما کو ویجیلینس” ورکشاپ توں خطاب کریندیں ہوئیں آکھی۔ انہاں آکھیا جو پاکستان اچ ہیلتھ دا نظام ہن تائیں آئیڈیل پوزیشن تے نہیں، انسانی جان بے حد قیمتی اے، سانو‏ں ایندی قدر کرݨی چاہیدی اے، دنیا اچ ہیلتھ کیئر دا نظام تیزی نال بدل ڳئے، مریض ٻݨݨ توں روک تھام تے توجہ ݙیوݨی پوسی۔ مصطفیٰ کمال آکھیا جو ایکو سسٹم کوں صحیح سمت اچ پاوݨ دی کوشش جاری اے، دنیا ہسپتال خالی کراوݨ دی پالیسی آلے پاسے ویندی پئی اے، دنیا لائف اسٹائل میڈیسن آلے پاسے ٹر پئی اے، ہسپتالاں اچ مریضاں دی گݨتی گھٹ کرݨ دی حکمت عملی جاری اے۔ انہاں آکھیا جو جے کوئی مریض اے تاں سمجھݨا چاہیدا اے جو کیوں اے، ہیلتھ کیئر تے توجہ ݙیوݨ ویلھے دی لوڑا اے، ایکو سسٹم تے غور کرو، کورونا ویلے سپر پاور ملک وی بکھر گئے ہن۔ وفاقی وزیر آکھیا جو ملک کوں sick-care توں health-care آلے پاسے آںدا ونڄے، ٹیکے لَواوَݨ دی مزاحمت ختم نہ تھیوݨ ݙیسوں، مہم جاری اے، دنیا تحقیق مُکائی اے، کینسر نال کوئی نہ مرسی مگر پاکستان اچ ہݨ تائیں کینسر موت دی وجہ اے، دنیا اچ ہیلتھ پالیسی نال اموات دی شرح گھٹدی پئی اے۔ انہاں آکھیا جو پاکستان اچ غربت بیماریاں دی وݙی وجہ اے، ہیپٹائٹس اچ پاکستان بدقسمتی نال سرفہرست اے، ہر سال ݙاہ ہزار ماواں زچگی توں پہلے دے امراض نال فوت تھیندی پئن ۔ وفاقی وزیر آکھیا جو ہک بلین ڈالر ویکسین امپورٹ تے خرچ تھی ویندے، جے کہیں دوا دا ردِعمل آوے تاں اطلاع ݙیو، اسلام آباد پہلا رابطہ مرکز تھیسی، ہیلتھ انشورنس تے ݙاہ ارب روپے خرچ تھیسن۔