استنبول۔ 3 نومبر(اے پی پی)نائب وزیر اعظم/وزیر خارجہ سینیٹر محمد اسحاق ڈار، استنبول اچ غزہ دی صورتحال تے عرب-اسلامی وزرائے خارجہ دے اجلاس دے موقعے تے ترکیہ دے وزیر خارجہ حاکان فیدان نال ملاقات کیتی۔ ݙوہاں رہنماواں ݙوہاں ملکاں وچال تکڑے ٻھراواں آلے تعلقات اتے آپسی تعاون کوں ٻیا ڳھاٹا کرݨ سانڳے الایا۔ ترجمان دفتر خارجہ مطابق، نائب وزیر اعظم/وزیر خارجہ سینیٹر محمد اسحاق ڈار، سنوار کوں غزہ دی صورتحال …
نائب وزیر اعظم اسحاق ڈار دی ترک وزیر خارجہ نال ملاقات
استنبول۔ 3 نومبر(اے پی پی)نائب وزیر اعظم/وزیر خارجہ سینیٹر محمد اسحاق ڈار، استنبول اچ غزہ دی صورتحال تے عرب-اسلامی وزرائے خارجہ دے اجلاس دے موقعے تے ترکیہ دے وزیر خارجہ حاکان فیدان نال ملاقات کیتی۔ ݙوہاں رہنماواں ݙوہاں ملکاں وچال تکڑے ٻھراواں آلے تعلقات اتے آپسی تعاون کوں ٻیا ڳھاٹا کرݨ سانڳے الایا۔ ترجمان دفتر خارجہ مطابق، نائب وزیر اعظم/وزیر خارجہ سینیٹر محمد اسحاق ڈار، سنوار کوں غزہ دی صورتحال تے عرب-اسلامی وزرائے خارجہ دے اجلاس اچ شرکت سانأط ترکیہ دے دورے اچ ترک وزیر خارجہ حاکان فیدان نال ملاقات کیتی۔ نائب وزیر اعظم/وزیر خارجہ، ترکیہ ولُوں غزہ دے معاملے تے ویلھے سِر وزارتی اجلاس دی میزبانی دی تعریف کیتی۔ اُنہاں آکھیا جو ایں اجلاس فلسطینی عوام نال یکجہتی اتے اقوام متحدہ دی سلامتی کونسل دی قرارداداں دے مطابق تنازعے دے حل کیتے سانجھے عزم اتے متفقہ آواز کوں دہرائے۔ ݙوہاں رہنماواں غزہ پیس ایگریمنٹ دے مکمل نفاذ تے خاص زور ݙتا، خاص کر جنگ بندی دے احترام، اسرائیل دے مقبوضہ فلسطینی علاقیاں توں فوری انخلا اتے فلسطینیاں کوں بلا روک ٹوک انسانی امداد ݙیوݨ اتے غزہ دی تعمیر نو کیتے اقدامات دا آکھیا۔ ݙوہاں رہنماواں سانجھی دلچسپی دے مختلف شعبیاں دے نال نال خطے اتے عالمی اہمیت دے مسئلیاں تے گالھ مہاڑ کیتی۔ ݙوہاں رہنماواں ݙوہاں ملکاں وچال تعاون ودھاوݨ سانڳے کٹھیاں کوششاں تے اتفاق کیتا۔
