سیکورٹی فورسز قلات اچ آپریشن اچ بھارتی حمایت یافتہ 4 دہشت گرد ہلاک کر ݙتے، آئی ایس پی آر

راولپنڈی ۔4نومبر  (اے پی پی) سیکورٹی فورسز بلوچستان دے ضلع قلات اچ انٹیلی جنس تے مبنی آپریشن اچ بھارتی حمایت یافتہ “فتنہ الہند” دے 4 دہشت گرداں کوں ہلاک کر ݙتا۔ منگل کوں پاک فوج دے شعبہ تعلقات عامہ (آئی ایس پی آر) دے مطابق یکم نومبر دی رات کوں سیکورٹی فورسز بلوچستان دے ضلع قلات اچ انٹیلی جنس تے مبنی آپریشن کیتا جیندے اچ بھارتی حمایت یافتہ “فتنہ الہند” توں تعلق رکھݨ آلے دہشت گرداں دی موجودگی دی اطلاع ہئی۔ آپریشن دے دوران سیکورٹی فورسز مؤثر طریقے نال دہشت گرداں دے ٹکاݨے دا گھیراؤ کیتا تے “فتنہ الہند” دے 4 دہشت گرداں کوں ہلاک کر ݙتا۔ ہلاک تھیوݨ آلے دہشت گرداں دے قبضے توں اسلحہ تے گولہ بارود وی برآمد تھیا۔ اے دہشت گرد دہشت گردی دی کئی کارروائیاں اچ سرگرم ہن۔ آئی ایس پی آر آکھیا جو پاکستان دی سیکورٹی فورسز تے قانون نافذ کرݨ آلے اداریاں دی وفاقی ایپیکس کمیٹی دی منظور کردہ نیشنل ایکشن پلان دے تحت ویژن “عزم استحکام” انسداد دہشت گردی مہم دے طور تے علاقے اچ کہیں وی ٻئے ہندوستانی حمایت یافتہ دہشت گرد کوں ختم کرݨ کیتے کارروائیاں پوری شدت نال جاری ہن۔