اساں جوہری طاقت ہیں، ملک کوں معاشی طور تے مضبوط کرݨے، نائب وزیراعظم سینیٹر اسحاق ڈار

اسلام آباد۔ 4 نومبر(اے پی پی)نائب وزیراعظم و وزیر خارجہ سینیٹر اسحاق ڈار آکھیے جو پاکستان چاہوے تاں افغانستان کوں ہک ݙینھ اچ سبق سکھا سڳدے ٻھل اساں مفاہمت تے یقین رکھیندے ہیں، بھارت ہمیشہ چاہندے جو پاکستان اتے افغانستان وچال جھیڑا اتے تناؤ رہوے اتے بھارت پاکستان اچ پراکسی وار اچ شامل اے۔ منگل کوں ایوان بالا دے اجلاس اچ مختلف نکات تے ولدا ݙیندے انہاں آکھیا جو پشاور اچ اے پی ایس دے واقعے دا اڄ وی لوکاں دے دلاں اچ ݙاݙھا زخم تازہ اے، ایں واقعے دے بعد ساریاں سیاسی جماعتاں دے مشورے نال نیشنل ایکشن پلان بݨایا ڳیا۔ انہاں آکھیا جو پاکستان چاہوے تاں افغانستان کوں ہک ݙینھ اچ سبق سکھا سڳدے ٻھل اساں مفاہمت تے یقین رکھدے ہیں۔ انہاں آکھیا جو 14، 15 اکتوبر کوں افغانستان دی جارحیت اقوام متحدہ دے چارٹر اتے اساݙے وچال معاہدیاں دی خلاف ورزی ہئی۔ انہاں آکھیا جو اساں ماضی دیاں غلطیاں دا ٻھوڳ ٻھڳیندے پئے ہیں، ٻھل ہݨ ڄیکر کوئی ٹھیک تھیندے تاں اوکوں ریورس نئیں تھیوݨا چاہیدا۔ انہاں آکھیا جو ملک توں دہشت گردی مکاوݨ چاہندے ہیں، اساں جوہری طاقت ہیں، ساکوں اپݨے ملک کوں معاشی طور تے وی مضبوط کرݨے، حکومت ملک کوں معاشی طور تے اپݨے پیراں تے کھڑا کرݨ کیتے بھرپور اقدامات کریندی پئی اے۔ انہاں آکھیا جو بھارت ہمیشہ چاہندے جو پاکستان اتے افغانستان ٻھڑدے راہون اتے بھارت پاکستان اچ پراکسی وار اچ شامل اے۔ انہاں آکھیا جو بھارت ولوں پہلگام واقعے دے بعد الزامات دے جواب اچ انہاں کوں آزادانہ اتے شفاف تحقیقات دی دعوت ݙتی ڳئی، جیںدے توں بھارتی کوڑا بیانیہ بے نقاب تھی ڳیا۔ انہاں آکھیا جو پاکستان جنگ بندی دی کوششاں تے امریکی صدر ڈونلڈ ٹرمپ کوں نوبل امن ایوارڈ کیتے نامزد کیتا، ایں حوالے نال خط لکھیا ڳیا ہئی۔