سمرقند۔ 5 نومبر (اے پی پی) وزیرِ مملکت وجیہہ قمر چین دے وزیرِ تعلیم ہُوائی جن پینگ نال ازبکستان دے شہر سمرقند وچ منعقدہ یونیسکو دی 43ویں جنرل کانفرنس دے موقع تے ملاقات کیتی۔ ملاقات وچ پاکستان اتے چین وچال تعلیم، فنی و پیشہ وارانہ تربیت، ڈیجیٹل لرننگ اتے اعلیٰ تعلیم دے شعبیں وچ ݙوطرفہ تعاون مزید ودھاوݨ تے ڳالھ مہاڑ کیتی ۔ وجیہہ قمر چین دی طرفوں پاکستان وچ …
وزیرمملکت وجیہہ قمر دی چین دے وزیرتعلیم نال ملاقات
مزید خبراں
سمرقند۔ 5 نومبر (اے پی پی) وزیرِ مملکت وجیہہ قمر چین دے وزیرِ تعلیم ہُوائی جن پینگ نال ازبکستان دے شہر سمرقند وچ منعقدہ یونیسکو دی 43ویں جنرل کانفرنس دے موقع تے ملاقات کیتی۔ ملاقات وچ پاکستان اتے چین وچال تعلیم، فنی و پیشہ وارانہ تربیت، ڈیجیٹل لرننگ اتے اعلیٰ تعلیم دے شعبیں وچ ݙوطرفہ تعاون مزید ودھاوݨ تے ڳالھ مہاڑ کیتی ۔ وجیہہ قمر چین دی طرفوں پاکستان وچ تعلیمی ترقی اتے استعداد کار وچ ودھارے دے منصوبیں خاص طور تے سی پیک دے تحت جاری تعاون تے شکریہ ادا کیتا۔ انہاں ݙسایا جو پاکستان تعلیم وچ شمولیت، جدت اتے ہنر تے مبنی سکھاوݨ کوں ودھاوݨ کیتے جامع اصلاحات تے عمل پیرا اے تاں جو نینگراں کوں مستقبل دے تقاضیں نال ہم آہنگ کیتا ونڄ سڳے ۔ چینی وزیرِ تعلیم ہُوائی جن پینگ پاکستان دی تعلیم دے ودھارے کیتے کوششاں دی تعریف کیتی اتے ایں عزم دا اظہار کیتا جو چین ایں شعبے خاص طور تے استاداں دی تربیت، علمی تحقیق، طلبہ دے تبادلے اتے تعلیمی ٹیکنالوجی دے استعمال وچ مزید تعاون ودھاوݨ کیتے تیار اے۔ ݙوہیں ملکاں سائنسی، تکنیکی اتے فنی تعلیم دے سانجھے پروگراماں دے ودھاوݨ اتے ادارہ جاتی رابطےتکڑے بݨاوݨ تے اتفاق کیتا تاں جو پائیدار سماجی و معاشی ترقی دے اہداف حاصل کیتے ونڄ سڳن۔ ایں موقع تے پاکستان اتے چین دی پراݨٰی دوستی، آپت دے اعتماد اتے تعلیم کوں ترقی و خوشحالی دا بنیادی ذریعہ قرار ݙیوݨ دے عزم کوں ہک واری ول دُہرایا ڳئے۔
