ایران دی مجلس شوریٰ دے سپیکرڈاکٹر محمد باقر قالیباف دی قیادت وچ پارلیمانی وفد پاکستان پُج ڳئے

اسلام آباد۔ 5 نومبر(اے پی پی) اسلامی جمہوریہ ایران دی مجلس شوریٰ دے سپیکر ڈاکٹر محمد باقر قالیباف دی قیادت وچ پارلیمانی وفد پاکستان پُج ڳئے۔ سپیکر قومی اسمبلی سردار ایاز صادق نور خان ایئربیس تے ایرانی سپیکر دا استقبال کیتا۔ سپیکر سردار ایاز صادق ایرانی سپیکر ڈاکٹر محمد باقر قالیباف اتے انہاں دے رَلے آئے پارلیمانی وفد کوں خوش آمدید آکھیا۔ سپیکر آکھیا جو ایرانی سپیکر دا پاکستان آوݨ اساݙے کیتے خوشی دا باعث اے۔ سپیکر سردار ایاز صادق ایرانی سپیکر کوں اسلام آباد آوݨ تے گلدستہ پیش کیتا۔ ایرانی سپیکر آکھیا جو پُرتپاک استقبال تے پاکستان دی پارلیمان اتے عوام دا دلوں شکریہ ادا کرینداں ، پاکستان دی سرزمین تے پیر رکھیندے دِلوں خوشی تھئی اے۔