اسلام آباد۔ 5 نومبر (اے پی پی) وفاقی وزیر قانون، انصاف و انسانی حقوق سینیٹر اعظم نذیر تارڑ نال اقوام متحدہ دے ترقیاتی پروگرام (یو این ڈی پی) دے ریذیڈنٹ نمائندے برائے پاکستان سیموئل رزک آپݨے وفد دے رَلے اتھاں ملاقات کیتی۔ ایں موقع تے یو این ڈی پی دی ڈپٹی ریذیڈنٹ نمائندہ وان نیوجن وی موجود ہئی اے۔ وزارت انسانی حقوق توں جاری پریس ریلیز موجب ملاقات وچ وزارت …
وفاقی وزیرسینیٹراعظم نذیر تارڑ نال یو این ڈی پی دے ریذیڈنٹ نمائندہ سیموئل رزک دی وفد دے رَلے ملاقات
مزید خبراں
اسلام آباد۔ 5 نومبر (اے پی پی) وفاقی وزیر قانون، انصاف و انسانی حقوق سینیٹر اعظم نذیر تارڑ نال اقوام متحدہ دے ترقیاتی پروگرام (یو این ڈی پی) دے ریذیڈنٹ نمائندے برائے پاکستان سیموئل رزک آپݨے وفد دے رَلے اتھاں ملاقات کیتی۔ ایں موقع تے یو این ڈی پی دی ڈپٹی ریذیڈنٹ نمائندہ وان نیوجن وی موجود ہئی اے۔ وزارت انسانی حقوق توں جاری پریس ریلیز موجب ملاقات وچ وزارت انسانی حقوق، یو این ڈی پی اتے یورپی یونین دے وچال تعاون کوں مزید مستحکم بݨاوݨ اتے پاکستان دے انسانی حقوق دے ایجنڈے کوں اڳوں ودھاوݨ متعلق معاملیں تے ڳالھ مہاڑ کیتی ڳئی۔ وفاقی وزیر یو این ڈی پی پاکستان اتے یورپی یونین دی طرفوں انسانی حقوق دے ودھاوݨ و تحفظ کیتے ادارہ جاتی، قانونی اتے پالیسی فریم ورک کوں مضبوط بݨاوݨ وچ ݙتے ڳئے مسلسل تعاون اتے تکنیکی معاونت دی تعریف کیتی۔ انہاں ایں ڳالھ تے زور ݙتا جو “حقوق پاکستان II” منصوبہ حکومت پاکستان دے انسانی حقوق دے ودھاوݨ دے پکے عزم دی عکاسی کریندے جو آئینی ضمانتاں اتے بین الاقوامی ذمہ واریاں موجب اے۔ ملاقات دے دوران منصوبے دے چار اہم حصیں تے پیشرفت دا جائزہ ڳھدا ڳیا جنہاں وچ قومی انسانی حقوق دے اداریں دی مضبوطی، سرکاری انسانی حقوق دے ڈھانچے دی بہتری، اعلیٰ تعلیمی اداریں وچ انسانی حقوق دی تعلیم دا ودھاوݨ اتے کاروبار و انسانی حقوق دے ایجنڈے دی پیشرفت شامل ہن جو اقوام متحدہ دے “کاروبار و انسانی حقوق متعلق رہنما اصولاں” یو این جی پیز موجب ہن۔ وفاقی وزیر کوں ݙسایا ڳیا جو منصوبے دے تحت انسانی حقوق دی معلوماتی انتظامی نظام ایچ آر آئی ایم ایس کوں جدید خطوط تے استوار کیتا ویندا پئے، جݙاں جو قومی نظام عملدرآمد، رپورٹنگ اتے فالو اَپ این ایم آئی آر ایف کوں وی مضبوط بݨایا ویندا پئے تاں جو پاکستان بین الاقوامی معاہداتی تقاضیاں دی موثر تکمیل یقینی بݨا سڳے۔ مزید، منصوبہ کاروبار و انسانی حقوق متعلق قومی لائحہ عمل این اے پی-بی ایچ آر کوں مستحکم کرݨ، نجی شعبے وچ ذمہ وارانہ کاروباری طرز عمل، صنفی برابری اتے پائیداری کوں ودھاوݨ وچ معاون ثابت ہوسی اے۔ اے منصوبہ وزارت کوں انسانی حقوق متعلق احتیاطی فریم ورک ہیومن رائٹس ݙیو ڈیلیجنس فریم ورک تیار کرݨ، مانیٹرنگ و جانچ دے نظام کوں بہتر بݨاوݨ اتے قومی معیاراں کوں بین الاقوامی وعدیاں اتے جی ایس پی پلس تقاضیں موجب ہکجاہ کرݨ وچ وی مدد ݙیسی۔ سینیٹراعظم نذیر تارڑ وزارت انسانی حقوق دے انسانی حقوق دے ودھاوݨ دے عزم دا اعادہ کریندے آکھیا جو وزارت پالیسی اصلاحات، ادارہ جاتی مضبوطی اتے عوامی آگاہی دے ذریعے انسانی حقوق دے تحفظ کوں مزید مستحکم بݨاوݨ کیتے پرعزم اے۔ انہاں یورپی یونین اتے یو این ڈی پی دے اشتراک اتے مسلسل تعاون دی تعریف کریندے ہوئیں امید ظاہر کیتی جو اے شراکت داری پاکستان وچ انسانی حقوق، سماجی انصاف اتے پائیدار ترقی دے ودھاوݨ کیتے مزید تقویت ݙیسی۔
