وفاقی وزیر اطلاعات عطاء اللہ تارڑ نال پی ایف یو جے، آر آئی یو جے اتے پریس کلب دے وفد دی ملاقات

اسلام آباد۔ 5 نومبر (اے پی پی) وفاقی وزیر اطلاعات و نشریات عطاء اللہ تارڑ نال پاکستان فیڈرل یونین آف جرنلسٹس (پی ایف یو جے)، راولپنڈی اسلام آباد یونین آف جرنلسٹس (آر آئی یو جے) اتے پریس کلب دے وفد ملاقات کیتی۔ وفد وچ پی ایف یو جے دے صدر افضل بٹ، سیکرٹری نیشنل پریس کلب نیئر علی، آر آئی یو جے دے سیکرٹری آصف بشیر چوہدری، صحافی رہنما مظہر عباس اتے شہزادہ ذوالفقار شامل ہن۔ ملاقات وچ جرنلسٹس پروٹیکشن کمیشن دے قیام، صحافیاں دی غیر قانونی برطرفیاں سودھے ٻئے مسئلیں تے ڳالھ مہاڑ تھئی۔ وفاقی وزیر اطلاعات عطاء اللہ تارڑ آکھیا جو جرنلسٹس پروٹیکشن کمیشن دے قیام دا عمل آخری مرحلیں وچ اے، صحافیاں دے حقوق دا تحفظ یقینی بݨایا ویسی ۔ وفاقی وزیر اطلاعات میڈیا ہاؤسز توں صحافیاں دی غیر قانونی برطرفیاں تے تشویش دا اظہار کریندے آکھیا جو میڈیا مالکان دے نال ایں ایجنڈے کوں باقاعدہ طور تے چاتا ویسی ۔ انہاں آکھیا جو حکومت میڈیا ہاؤسز کوں تاریخی واجبات ادا کیتن ایں دے باوجود ملازماں دی برطرفیاں قابل تشویش ہن۔ انہاں آکھیا جو صحافیاں کیتے ہیلتھ انشورنس دے نظام کوں مزید موثر اتے وݙا کیتا ویسی ۔ عطاء اللہ تارڑ آکھیا جو حکومت آزادی صحافت اتے صحافیاں دے معاشی تحفظ کیتے عملی اقدامات جاری رکھی ہوئی اے۔ عطاء اللہ تارڑ آکھیا جو نیشنل پریس کلب تے حملے دے حوالے نال چارٹر آف ڈیمانڈ تے عملدرآمد کروایا ویسی ۔ انہاں آکھیا جو صحافی برادری دے مسئلے حل کرݨ حکومت دی پہلی ترجیح اے۔ وفد مسئلیں دے حل دی یقین ݙیوائے وفاقی وزیر اطلاعات دا شکریہ ادا کیتا۔ ملاقات وچ ایڈیشنل سیکرٹری وزارت اطلاعات اشفاق خلیل اتے پرنسپل انفارمیشن افسر مبشر حسن وی موجود ہن۔