دوحہ۔ 5 نومبر(اے پی پی)صدر مملکت آصف علی زرداری نال ݙوجھی عالمی سماجی ترقی کانفرنس دے موقع تے قطر دے نائب وزیر اعظم و وزیر دفاع شیخ سعود بن عبدالرحمٰن بن حسن بن علی آل ثانی ملاقات کیتی اتے ݙو طرفہ تعلقات، دفاعی تعاون اتے علاقائی سلامتی دے معاملیاں تے ڳالھ مہاڑ کیتی ڳئی۔ ٻدھ کوں ایوان صدر دے پریس ونگ توں جاری بیان دے مطابق صدر مملکت آصف علی …
صدر مملکت آصف علی زرداری نال قطر دے نائب وزیر اعظم و وزیر دفاع شیخ سعود بن عبدالرحمٰن بن حسن بن علی آل ثانی دی ملاقات
مزید خبراں
دوحہ۔ 5 نومبر(اے پی پی)صدر مملکت آصف علی زرداری نال ݙوجھی عالمی سماجی ترقی کانفرنس دے موقع تے قطر دے نائب وزیر اعظم و وزیر دفاع شیخ سعود بن عبدالرحمٰن بن حسن بن علی آل ثانی ملاقات کیتی اتے ݙو طرفہ تعلقات، دفاعی تعاون اتے علاقائی سلامتی دے معاملیاں تے ڳالھ مہاڑ کیتی ڳئی۔ ٻدھ کوں ایوان صدر دے پریس ونگ توں جاری بیان دے مطابق صدر مملکت آصف علی زرداری پاکستان اتے قطر وچال تاریخی و برادرانہ تعلقات دی تعریف کریندے آکھیا جو ݙوہیں ملکاں دفاع، سلامتی، تربیت اتے دفاعی پیداوار دے شعبیاں اچ ڈُونگھے تعاون دے رشتے اچ بَدھیے ہوئے ہین۔ انہاں اطمینان کیتا جو ݙوہیں ملکاں دیاں فوجاں وچال موجود تعاون مسلسل مضبوط تھیندا پئے۔ انہاں سانجھیاں فوجی مشقاں، دفاعی ٹیکنالوجی اتے ماہرین دے تبادلے دے ذریعے تعاون کوں ٻیا ودھاوݨ دی لوڑھ تے زور ݙیندے آکھیا جو اینجھے اقدامات خطے اچ امن و استحکام دے ودھاوݨ اچ مددگار ثابت تھیسن۔ قطر دے نائب وزیراعظم شیخ سعود بن عبدالرحمٰن بن حسن بن علی آل ثانی پاکستانی فوجاں دی پیشہ ورانہ مہارت دی تعریف کیتی اتے پاکستان نال دفاعی تعلقات کوں ٻیا مضبوط بݨاوݨ دا عزم دوہرایا۔ انہاں سانجھی دفاعی پیداوار اتے تعاون تے مبنی منصوبیاں اچ قطر دی دلچسپی ظاہر کریندے آکھیا جو قطر مستقبل اچ انہاں منصوبیاں کوں وسعت ݙیوݨ کیتے پرعزم اے۔ انہاں افغان تنازعے اچ امن و استحکام کیتے قطر دے کردار دے تسلسل دا یقین ݙیوایا۔ صدر مملکت آصف علی زرداری قطر دی مسلسل حمایت تے شکریہ ادا کریندے ہوئیں آکھیا جو پاکستان دفاع اتے سلامتی سودھا مختلف شعبیاں اچ قطر نال آپݨی تزویراتی شراکت داری ٻئی مضبوط بݨاوݨ کیتے پرعزم اے۔ ایں موقعے تے خاتون اول بی بی آصفہ بھٹو زرداری، چیئرمین پاکستان پیپلز پارٹی بلاول بھٹو زرداری اتے پاکستان دے سفیر برائے قطر وی موجود ہن۔
