جموں دے شہداء دی عظیم قربانیاں ایں گالھ دی گواہی ڈیندن جو ظلم تے جبر نال کہیں قوم دی آواز دبائی نئی ونڄ سڳدی، سپیکر قومی اسمبلی

اسلام آباد۔ 6 نومبر (اے پی پی) سپیکر قومی اسمبلی سردار ایاز صادق آکھیا جو جموں دے شہداء دی عظیم قربانیاں ایں گالھ دی گواہی ڈیندن جو ظلم تے جبر نال کہیں قوم دی آواز دبائی نئی ونڄ سڳدی، ڈوگرہ مہاراجہ دی افواج اتے انتہاپسند عناصر دے ہتھوں ݙو لکھ توں ودھ کشمیری مسلماناں دا قتلِ عام اتے لکھاں دی ہجرت برصغیر دی تاریخ دا ہک افسوسناک باب اے جئیں کوں بھلایا نئی ونج سگدا۔ خمیس کوں یومِ شہدائے جموں دے موقع تے آپݨے سنیھے اچ انہاں شہداء کوں زبردست خراجِ عقیدت پیش کریندیں ہوئیں آکھیا جو پاکستانی قوم کشمیری عوام دے حقِ خود ارادیت دی منصفانہ اتے جائز جدوجہد اچ انہاں دے نال کھڑی اے۔ انہاں آکھیا جو 6 نومبر 1947ء دا المناک واقعہ تاریخ دے انہاں سیاہ ترین باب اچوں ہک اے جڈاں ہزاراں کشمیری مسلمان آپݨی آزادی اتے سنڄاݨ دی قیمت خون نال ادا کرݨ تے مجبور تھئے ہن۔ سردار ایاز صادق آکھیا جو جموں دا قتلِ عام نہ صرف مذہبی منافرت اتے نسلی امتیاز دی بھیانک مثال اے بلکہ اے بین الاقوامی ضمیر کیتے ہک کھلا چیلنج وی اے۔انہاں عالمی برادری، انسانی حقوق دی تنظیماں اتے اقوامِ متحدہ تے زور ݙتا جو او 1947ء دے جموں سانحے کوں نسل کشی دے طور تے منن اتے بھارت کوں اوندے غیر قانونی اقدامات اتے کشمیریاں دے بنیادی انسانی حقوق دی پامالی تے جوابدہ کرن۔