پاکستان دا بابا گرو نانک دیو جی دے جنم ڈینہہ دی تقریبات کیتے پوری دنیا توں آوݨ آلے سکھ یاتریاں دا خیر مقدم

اسلام آباد۔ 6 نومبر (اے پی پی) پاکستان سکھاں دے روحانی پیشوا بابا گرو نانک دیو جی دے جنم ڈینہہ دی تقریبات کیتے پوری دنیا توں آوݨ آلے سکھ یاتریاں دا خیر مقدم کیتے۔ترجمان دفتر خارجہ توں خمیس کوں جاری بیان موجب پاکستان اچ قیام دے دوران سکھ یاتریاں دی سہولت کیتے وݙے پیمانے تے انتظامات کیتے ڳئن۔ بیان اچ آکھیا ڳیا جو بابا گرو نانک دا محبت اتے ہم آہنگی دا سنیھا آفاقی اتے لازوال اے۔ اے تعلیمات مذہباں اتے ثقافتاں وچال آپسی افہام و تفہیم کوں ودھاوݨ دی پاکستان دی کوششاں کوں تقویت ݙیندن۔