اسلام آباد۔6نومبر (اے پی پی)قائم مقام صدر سید یوسف رضا گیلانی صاحب آکھیے جو پاکستان اتے ایران ایمان، تاریخ اتے ثقافت دے رشتے وچ گھنڈئے پئن، پارلیمانی کمیٹیاں اتے فرینڈشپ گروپس وچال رابطے سانجھے تعاون کوں ودھا سڳدن۔ ایوان صدر دے پریس ونگ توں جاری بیان موجب، قائم مقام صدر سید یوسف رضا گیلانی صاحب نال ایران دی اسلامی مشاورتی اسمبلی دے سپیکر ڈاکٹر محمد باقر قالیباف صاحب ایوان صدر …
قائم مقام صدر سید یوسف رضا گیلانی نال ایران دی اسلامی مشاورتی اسمبلی دے سپیکر ڈاکٹر محمد باقر قالیباف دی ملاقات
مزید خبراں
اسلام آباد۔6نومبر (اے پی پی)قائم مقام صدر سید یوسف رضا گیلانی صاحب آکھیے جو پاکستان اتے ایران ایمان، تاریخ اتے ثقافت دے رشتے وچ گھنڈئے پئن، پارلیمانی کمیٹیاں اتے فرینڈشپ گروپس وچال رابطے سانجھے تعاون کوں ودھا سڳدن۔ ایوان صدر دے پریس ونگ توں جاری بیان موجب، قائم مقام صدر سید یوسف رضا گیلانی صاحب نال ایران دی اسلامی مشاورتی اسمبلی دے سپیکر ڈاکٹر محمد باقر قالیباف صاحب ایوان صدر وچ ملاقات کیتی جیندے بعد ظہرانے دا وی اہتمام کیتا ڳیا۔قائم مقام صدر صاحب ایں موقع تے آکھیا جو پاکستان اتے ایران ایمان، تاریخ اتے ثقافت دے گھاٹے رشتے وچ گھنڈئے ہوئن۔ انہاں سیاسی ڳالھ مہاڑ، اقتصادی رابطیں اتے عوامی تبادلیں کوں مزید ودھاوݨ دی لوڑھ تے زور ڈیندے آکھیا جو پارلیمانی کمیٹیاں اتے فرینڈشپ گروپس وچال رابطے سانجھے تعاون کوں ودھا سڳدن۔سید یوسف رضا گیلانی آکھیا جو پاکستان اتے ایران تعلیم، ثقافت اتے نوجواناں دے تبادلے دے پروگراماں وچ وی تعاون ودھا سڳدن۔ ملاقات وچ ݙو طرفہ تجارت، علاقائی صورتحال اتے بین الاقوامی معاملیں تے وی ڳالھ مہاڑ کیتی ڳئی۔ ݙوہیں رہنماواں مختلف شعبیں وچ تعاون کوں مزید مضبوط کرݨ دے عزم دا اظہار کیتا۔ایرانی سپیکر آکھیا جو ایران پاکستان کوں بھرا اتے قابل اعتماد ہمسایہ سمجھدے۔ انہاں آکھیا جو ایران دا پارلیمانی وفد آندی سپیکرز کانفرنس وچ شرکت کریسی۔
