جموں اچ آپݨے لہو نال آزادی دے چراغ روشن کرݨ آلے جانثاراں کوں سلام،محسن نقوی

اسلام آباد۔6نومبر(اے پی پی) وفاقی وزیر داخلہ محسن نقوی آپݨے لہو نال آزادی دے چراغ روشن کرݨ والیں جانثاراں کوں سلام پیش کیتے۔یوم شہدائے جموں تے آپݨے بیان اچ وزیرداخلہ محسن نقوی آکھیا جو آپݨی آزادی اتے شناخت دی حفاظت کیتے جاناں قربان کرݨ آلیں کوں خراج عقیدت پیش کرینداں، وادی ظلمت دے شہیداں ظلم اتے جبر دے مقابلے اچ استقامت اتے قربانی دی ہک نہ مکݨ آلی کہانی لکھی۔ 6 نومبر 1947 کوں ڈوگرہ فوجاں اتے ہندو انتہا پسنداں جموں اچ مسلم آبادی دا سازش دے تحت قتل عام کیتا اتے 2 لکھ توں ودھ مسلمان شہید کیتے ڳئے، خاندان دے خاندان اُڄاڑ ݙتے ڳئے۔ اے سانحہ نام نہاد جمہوریت دے بدترین ظلم و ستم دے بُرے چہرے کوں ننگا کریندے۔ انہاں آکھیا جو جموں اچ وہݨ آلے لہو دا ہر قطرہ اڄ وی آزادی دی سدا بݨ تے دنیا دے ضمیر کوں جھنجوڑیندا پئے، اڄ وی مقبوضہ کشمیر اچ بھارتی فوجاں ایہو جیہے وحشیانہ طریقہ کار نال بربریت جاری رکھی ہوئی اے، پاکستان کشمیری عوام دے نال سفارتی، سیاسی اتے اخلاقی حمایت جاری رکھݨ دے عزم دی تجدید کریندے۔ یوم شہدائے جموں آزادی دی جدوجہد دا روشن استعارہ اے، اے ݙینھ اساکوں یاد کرویندے جو قربانیاں ضائع نہ ویسن، ظلم مک ویسی اتے آزادی دا سجھ ضرور نِکلسی۔