اسلام آباد۔6نومبر(اے پی پی) وزیراعظم محمد شہباز شریف سکیورٹی، دہشت گردی اتے نشے دے خلاف کارروائیاں، پولیس دی تربیت، ڈیزاسٹر مینجمنٹ، تجارت اتے اقتصادی ترقی دے شعبیں اچ پاک ترک ݙو پاسے تعاون کوں تکڑا کرݨ دے عزم دی تجدید کریندے پاکستان اتے افغانستان وچال چلدے پئے امن مذاکرات اچ سہولت ڈیوݨ تے ترکیہ دی قیادت دا شکریہ ادا کیتے۔وزیراعظم محمد شہباز شریف نال ترکیہ دے وزیر داخلہ وزیراعظم ہاؤس …
وزیراعظم محمد شہباز شریف نال ترکیہ دے وزیر داخلہ علی یرلیکایا دی ملاقات
اسلام آباد۔6نومبر(اے پی پی) وزیراعظم محمد شہباز شریف سکیورٹی، دہشت گردی اتے نشے دے خلاف کارروائیاں، پولیس دی تربیت، ڈیزاسٹر مینجمنٹ، تجارت اتے اقتصادی ترقی دے شعبیں اچ پاک ترک ݙو پاسے تعاون کوں تکڑا کرݨ دے عزم دی تجدید کریندے پاکستان اتے افغانستان وچال چلدے پئے امن مذاکرات اچ سہولت ڈیوݨ تے ترکیہ دی قیادت دا شکریہ ادا کیتے۔وزیراعظم محمد شہباز شریف نال ترکیہ دے وزیر داخلہ وزیراعظم ہاؤس اچ ملاقات کیتی جیندے اچ پاکستان اتے ترکیہ وچال پُراݨے اتے تکڑے برادرانہ تعلقات کوں مضبوط بݨاوݨ دے عزم کوں دُہرایا ڳیا۔ وزیراعظم پاکستان دے سرکاری دورے تے آوݨ تے جمہوریہ ترکیہ دے وزیرداخلہ علی یرلیکایا اتے انہاں دے وفد دا خیرمقدم کریندے آکھیا جو انہاں دا اے دورہ پاکستان اتے ترکیہ وچال مضبوط برادرانہ تعلقات دی عکاسی کریندے۔ وزیراعظم ملاقات اچ ترک صدررجب طیب ایردوان کیتے نیک خواہشات دا پیغام ݙتا۔انہاں سکیورٹی، دہشت گردی دے خلاف، نشے دے خلاف، پولیس دی تربیت، ڈیزاسٹر مینجمنٹ، تجارت اتے اقتصادی ترقی دے شعبیں اچ ݙوہیں ملکاں وچال ݙو پاسے تعاون کوں تکڑا کرݨ دے عزم دی تجدید کیتی۔ وزیراعظم اہم معاملیں تے پاکستان دے موقف کیتے ترکیہ دی مضبوط اتے نہ ہلݨ آلی حمایت دی تعریف کریندے استنبول اچ پاکستان اتے افغانستان وچال چلدا پیا امن مذاکرات اچ سہولت کاری دا کردار ادا کرݨ تے ترکیہ دی قیادت دا خاص طور تے شکریہ ادا کیتا۔ترک وزیر داخلہ آپݨی اتے ترک وفد دی بہترین مہمان نوازی تے وزیراعظم دا شکریہ ادا کریندے ترک صدر ایردوان ولوں وزیراعظم کیتے نیک خواہشات دا پیغام پُڄایا۔ انہاں قانون نافذ کرݨ آلے اداریں، انٹیلی جنس دے سانجھے داری اتے ڈیزاسٹر مینجمنٹ اچ تعاون کوں ول ودھاوݨ دی خواہش دا اظہار کیتا۔ ملاقات اچ نائب وزیراعظم / وزیرخارجہ سینیٹر محمد اسحاق ڈار، وزیر داخلہ سید محسن رضا نقوی، وزیر مملکت داخلہ طلال چوہدری، معاون خصوصی طارق فاطمی، چیئرمین این ڈی ایم اے، سیکرٹری داخلہ اتے سیکرٹری خارجہ وی موجود ہن۔
