اسلام آباد۔6نومبر(اے پی پی) وزیرِ دفاع خواجہ محمد آصف نال ایشین فٹ بال کنفیڈریشن اتے فیفا دے ہک وفد انہاں دے دفتر اچ ملاقات کیتی جیندے اچ پاکستان اچ فٹ بال دے ودھارے اتے ترقی دے حوالے نال تفصیل نال ڳالھ مہاڑ تھئی۔ وفد دی قیادت شیخ سلمان ابراہیم بن خلیفہ کیتی جیڑھے اے ایف سی دے صدر، فیفا دے سینئر نائب صدر اتے بحرین دے شاہی خاندان دے ممتاز …
وزیر دفاع خواجہ محمد آصف نال فیفا اتے اے ایف سی دے وفد دی ملاقات
اسلام آباد۔6نومبر(اے پی پی) وزیرِ دفاع خواجہ محمد آصف نال ایشین فٹ بال کنفیڈریشن اتے فیفا دے ہک وفد انہاں دے دفتر اچ ملاقات کیتی جیندے اچ پاکستان اچ فٹ بال دے ودھارے اتے ترقی دے حوالے نال تفصیل نال ڳالھ مہاڑ تھئی۔ وفد دی قیادت شیخ سلمان ابراہیم بن خلیفہ کیتی جیڑھے اے ایف سی دے صدر، فیفا دے سینئر نائب صدر اتے بحرین دے شاہی خاندان دے ممتاز رکن ہن۔ انہاں نال داتوک سری وِنڈسر جان (سیکرٹری جنرل اے ایف سی)، احمد عبدالصمد (اے ایف سی صدر دے اسٹاف آفیسر)، سید محسن گیلانی (صدر، پاکستان فٹ بال فیڈریشن – پی ایف ایف) اتے علی اکرم (ڈائریکٹر لیگل پی ایف ایف) وی شامل ہن۔ وزیرِ دفاع وفد دا خیرمقدم کریندے حکومتِ پاکستان ولوں پاکستان فٹ بال فیڈریشن دی مکمل حمایت کوں دُہرایا۔ شیخ سلمان ابراہیم بن خلیفہ پی ایف ایف اتے حکومتِ پاکستان دے کردار دی تعریف کیتی۔ انہاں یقین ڈیوایا جو اے ایف سی اتے فیفا پاکستان اچ فٹ بال دے نظام کوں مضبوط ٻݨاوݨ اتے مقامی ٹیلنٹ کوں نکھارݨ اچ آپݨا بھرپور تعاون جاری رکھیسن۔ وزیرِ دفاع خواجہ محمد آصف اے ایف سی اتے فیفا نال آون والے سانجھے منصوبیاں دا خیرمقدم کیتا جیڑھے نینگر کھڈاریاں دی تربیت، ٹیلنٹ ڈیولپمنٹ اتے بین الاقوامی سطح تے نمائندگی دے موقعے ودھاوݨ کیتے ٻݨائے ویسن۔
